افغان پروفیسرنے لائیو ٹی وی شو میں اپنے ڈپلوما اور سرٹیفکیٹ پھاڑ دئیے

بذریعہ ٹیم سی جی
|
دسمبر 29, 2022
|

افغان پروفیسرنے لائیو ٹی وی شو میں اپنے ڈپلوما اور سرٹیفکیٹ پھاڑ دئیے

لڑکیوں کی تعلیم پر پابندی کے خلاف احتجاج کرتے ہوئے ایک افغان پروفیسرنے لائیو ٹی وی شو میں اپنے ڈپلوماز اور سرٹیفکیٹس پھاڑ دئیے۔

سوشل میڈیا پر سامنے آنے والی ویڈیو میں کابل یونیورسٹی کے پروفیسرکو ان کے ڈپلوما اور سرٹیفکیٹس پھاڑتے ہوئے دیکھا جا سکتا ہے۔

کابل یونیورسٹی کے پروفیسر کا کہنا تھا کہ اگر افغانستان کی ماؤں، بہنوں اور بیٹیوں کو تعلیم حاصل کرنے کا حق حاصل نہیں تو مجھے بھی ان ڈپلوموں اور سرٹیفکیٹس کو رکھنے کا کوئی حق نہیں۔ افغانستان میں تعلیم کے لیے کوئی گنجائش نہیں رہی ہے۔

واضح رہے کہ طالبان حکومت نے یونیورسٹی کی طالبات پر کلاسز اٹینڈ پر کرنے پرپابندی عائد کردی ہے جبکہ اس سے قبل لڑکیوں کی سکینڈری اسکول کی تعلیم پر بھی پابندی لگائی جا چکی ہے