لاہور ڈسٹرکٹ ایجوکیشن کا متنازعہ فیصلہ کالعدم قرار دے دیا گیا

لاہور کی ڈسٹرکٹ ایجوکیشن اتھارٹی (ڈی ای اے) نے اپنے سابقہ فیصلے کو تبدیل کرتے ہوئے 8000 نجی اسکولوں کو غیر نصابی سرگرمیوں میں حصہ لینے کی اجازت دے دی ہے۔

ڈی ای اے لاہور کی جانب سے دو ہفتے قبل جاری کئے گئے نوٹیفکیشن میں نجی اسکولوں کو ڈی ای اے کی منظوری کے بغیر غیر نصابی سرگرمیوں کا انعقاد کرنے سے منع کیا گیا تھا۔

تاہم نئے فیصلے میں کہا گیا ہے کہ غیر نصابی یا اسکول کے بعد کی سرگرمیوں میں ایک طالب علم حصہ لیتا ہے جو اس کی مجموعی ترقی اور ذہنی و جسمانی نشوونما میں اہم کردارادا کرتی ہیں۔ یہ سرگرمیاں طلباء کو اپنی دلچسپیوں کو دریافت کرنے، نئی مہارتیں پیدا کرنے اور دوسروں کے ساتھ تعلقات استوار کرنے کا موقع فراہم کرتی ہیں۔

اس کے ساتھ ساتھ یہ سرگرمیاں طلباء کو ان کے ٹیم ورک، کمیونیکیشن اور قائدانہ صلاحیتوں کو فروغ دینے میں مدد فراہم کرتی ہیں، ان سب کا طالبعلموں کے کیریئر پر طویل مدتی اثر پڑتا ہے۔ اسکولوں اور والدین کو طالب علم کی تعلیم کے حصے کے طور پر غیر نصابی سرگرمیوں کی حوصلہ افزائی اور حمایت کرنی چاہیے۔ نئے فیصلے میں کہا گیا ہے کہ اسکول کے بعد، رضاکارانہ سرگرمیاں ایسے طلباء کوذہنی تناؤ سے نجات دے کر خود اعتمادی کا احساس فراہم کرتی ہیں، جنہیں بعض اوقات تعلیمی دباؤ سے نجات کی ضرورت ہوتی ہے۔