جامعہ کراچی میں ویژول اسٹڈیز کا انٹری ٹیسٹ،1128 درخواست دہندگان کی شرکت

جامعہ کراچی کے جاری کردہ اعلامیے کے مطابق اتوار کے روز ہونے والے ڈیپارٹمنٹ آف ویژول اسٹڈیز کے انٹری ٹیسٹ میں 1128 درخواست دہندگان نے شرکت کی۔

اطلاعات کے مطابق انٹری ٹیسٹ ڈیپارٹمنٹ آف اکنامکس، کمپیوٹر سائنس، ریاضی اور پبلک ایڈمنسٹریشن میں منعقد کیا گیا، انسٹی ٹیوٹ نے بتایا کہ محکمہ بصری علوم کی 150 نشستوں کے لیے 1،178 داخلہ فارم موصول ہوئے تھے جن میں سے 1128 امیدواروں نے انٹری ٹیسٹ میں حصہ لیا۔

اعلامیے کے مطابق عارضی میرٹ کی فہرست کا اعلان محکمہ کے سرکاری ویب پورٹل پر 20 دسمبر 2020 کو کیا جائے گا جسے درخواست دہندگان درج ذیل لنک پر جا کر دیکھ سکتے ہیں۔

www.uokadmission.edu.pk

کے یو کے جاری کردہ اعلامیے کے مطابق انٹری ٹیسٹ صبح 11 بجے شروع ہوا اور دوپہر ایک بجے ختم ہوا اور کے یو کے وائس چانسلر پروفیسر ڈاکٹر خالد محمود عراقی اور دیگر پروفیسرز نے امتحانی عمل کی ذاتی طور پر نگرانی کی۔