پوسٹ گریجویشن ڈگری کے لیے بیرون ملک تعلیم حاصل کرنے کے فوائد

پوسٹ گریجویشن ڈگری کے لیے بیرون ملک تعلیم حاصل کرنے کے فوائد

 بیرون ملک تعلیم حاصل کرنا طلباء کے لیے ایک انتہائی پُرجوش اور سحر انگیز تجربہ ہے کیونکہ یہی وہ وقت ہوتا ہے کہ وہ نہ صرف خود کو بلکہ دنیا کو بھی پہلے سے ایک قدم آگے بڑھ کر از سرِ نو دریافت کریں، ظاہر ہے ایسا تجربہ انہیں پہلے کبھی نہیں ہوا تھا۔ دوسری جانب آج کل زیادہ تر کمپنیاں ان ملازمین کی بھرتی کی منتظر ہیں جو بین الاقوامی پوسٹ گریجویٹ ڈگری رکھتے ہیں، اس لیے بین الاقوامی پوسٹ گریجویشن ڈگری کی اہمیت اور بھی بڑھ جاتی ہے۔ لہٰذا جو بھی اسٹوڈنٹ پوسٹ گریجویشن ڈگری کے لیے بیرونِ ملک جانے کا منتظر ہے اسے بیرون ملک تعلیم حاصل کرنے کے درج ذیل فوائد کو ایک نظر ضرور دیکھنا چاہیے۔

بین الاقوامی یونیورسٹیز میں تعلیم حاصل کرنے سے آپ کو مختلف ممالک اور تہذیبوں سے تعلق رکھنے والے طلباء کے ساتھ تعاون کرنے، پڑھنے اور ان کی زبان سیکھنے کا موقع ملے گا۔ اس صورت میں کہ اگر آپ غیر انگریزی بولنے والے ملک کے لیے جاتے ہیں تو آپ کو بھی اسی طرح ان کی مقامی زبان سیکھنے کا موقع ملے گا۔ تاہم بہت ساری یونیورسٹیز انگریزی میں کورسز پیش کرتی ہیں۔ بیرون ملک پڑھنے سے آپ کو اپنی لسانی مہارت میں اضافہ کرنے کا موقع ملے گا، اس طرح بیرون ملک میں پڑھنے لکھنے کے بعد آپ کے لیے نوکریوں کے زیادہ امکانات موجود ہوتے ہیں۔

بیرون ملک تعلیم حاصل کرنے کے لیے اپنے آبائی شہر کو چھوڑنا آپ کے لیے شخصی آزادی کے ابتدائی اقدامات میں سے ایک ہے۔ یہ عمل آپ کو اس ذمہ داری کا احساس دلائے گا کہ اب آپ اس غیر ملکی سرزمین پر خود موجود ہیں۔ آپ جس بھی قوم اور ملک کو چُنتے ہیں، آپ کو نئے لوگوں اور مقامات سے ملنے اور بہت کچھ نیا تلاش کرنے کا موقع ملتا ہے۔ اسی طرح آپ اپنے امتحانات، اضافی وقت اور مالی اعانت اور اپنے کھانے پینے کے طریقہ کار کا انتظام کرنے کا طریقہ بھی معلوم کریں گے۔ دن کے اختتام پر جب آپ پورے دن میں کی جانے والی اپنی کاوشوں پر نظر دوڑائیں گے تو آپ کو اپنے آپ پر فخر ہوگا اور اس سے آپ کے اعتماد میں بے پناہ اضافہ ہوگا۔

وہ طلبہ و طالبات جو ماسٹرز ڈگری کے لیے بیرون ملک تعلیم حاصل کرنے کے موقع کا انتخاب کرتے ہیں وہ فارغ التحصیل ہونے کے بعد جزوقتی کام یا کُل وقتی ملازمت کے لیے مزید کھلے راستے پر پہنچ جاتے ہیں۔ دوسری جانب ایسا ہوتا ہے کہ جب آپ اپنی تعلیم مکمل کرکے اپنے ملک واپس آجاتے ہیں اور ملازمت کے لیے درخواست دیتے ہیں، اس بات سے قطع نظر کہ آپ کو وہاں رہنے کی ضرورت ہے اور آپ غیر ملک میں اپنی نئی زندگی کا آغاز کرنا چاہتے ہیں مگر اپنے پیارے ملک واپس بھی آنا چاہتے ہیں تو ایسے میں آپ کے سامنے امکانات کی وسیع دنیا ہوتی ہے۔ آپ چاہیں تو بیرون ملک رہ کر بھی اچھی ملازمت کرسکتے ہیں یا دل چاہے تو اپنے وطن واپس آکر بھی اچھی نوکری حاصل کرسکتے ہیں۔

جب آپ بیرون ملک تعلیم حاصل کرنے کا انتخاب کرتے ہیں تو آپ اس نئے ملک میں پریشانی کا شکار بھی ہوسکتے ہیں جو ثقافت، مذہب، موسم، بنیادی ڈھانچے اور اصولوں کے لحاظ سے آپ کے آبائی ملک سے بالکل مختلف ہے۔ زبان و بیان اور تہذیب و ثقافت کے یہ سارے فرق آپ کو یکسر تبدیل کردیتے ہیں یا زیادہ امکان یہ ہے کہ یہ عمل آپ کو ایک بہتر انسان بنا دیتا ہے اور آپ کو خود کو دریافت کرنے کا موقع فراہم کرتا ہے جیسا آپ کی زندگی میں پہلے کبھی نہیں تھا اور آپ کو اپنے ایسے شوق اپنانے کا موقع فراہم کرتا ہے جو آپ کے لیے ہمیشہ سے آئوٹ آف باکس رہے ہیں۔

بیرون ملک تعلیم حاصل کرنے کا ایکا ور بڑا فائدہ یہ ہے کہ آپ کو پوری دنیا سے رابطے کرنے کا قیمتی موقع ملتا ہے۔ آپ اپنے کیمپس میں مختلف نیٹ ورکس کو تلاش کرتے ہیں، جہاں مختلف ممالک اور ثقافت سے تعلق رکھنے والے طلبا آپ ہی کی طرح تعلیم کے حصول کے لیے ایک ہی چھت کے نیچے آتے ہیں۔ اپنے ساتھیوں اور ہم جماعتوں کے ساتھ وقت گزارنا دراصل فائدہ مند چیز ہے کیونکہ اس سے آپ کو دیرپا دوستی مل سکتی ہے۔

بیرون ملک اپنے ماسٹرز کے لیے غور کرتے وقت آپ کے پاس ایک بہترین وقت ہوسکتا ہے لیکن کچھ زیر تعلیم افراد کے لیے دنیا بھر کی جدید ترین تعلیم کے حصول کے لیے بیرون ملک رہنے کا آخری موقع ہوسکتا ہے۔ ظاہر ہے بیرون ملک تعلیم حاصل کرنے کے لیے جانے سے آپ کو سفر کرنے کا وقت ملے گا۔ آپ کو ایک حقیقی احساس ہوگا کہ کسی دوسرے ملک میں رہنا اور کام کرنا کیسا ہوسکتا ہے اور اس طرح آپ کو اپنے آپ کو قریب سے دیکھنے کا موقع ملے گا جس سے آپ خود کو بہتر انداز میں جان پائیں گے۔۔

جب آپ بیرون ملک تعلیم حاصل کرتے ہیں تو آپ کو ایک نیا ماحول درپیش ہوتا ہے اور دوسری ثقافت اور تہذیب و تمدن کے بارے میں مزید معلومات حاصل کرنے کا موقع ملتا ہے جس کی وجہ سے لوگ کھلے ذہن کے حامل اور ترقی پسند ہوجاتے ہیں، جس سے ان کے آگے بڑھنے کے امکانات کئی گنا بڑھ جاتے ہیں۔

بیرون ملک جانے کے امکان پر غور کرتے ہوئے اس بات کو ذہن میں رکھیں کہ آپ کو تھوڑی دیر کے لیے ثقافت کا جھٹکا ملے گا اور گھر سے دوری کا احساس آپ پر حاوی ہو گا تاہم جس قدر جلد آپ نئی دنیا اور نئے لوگوں میں گھل مل جائیں گے آپ کے لیے اتنا ہی اچھا ہوگا۔