پاکستان میں ایم بی اے کا اسکوپ

ایم بی اے یعنی ماسٹر آف بزنس ایڈمنسٹریشن حصولِ علم کا ایک ماسٹرز کے درجے کا پروگرام ہے جو طلبا کو بزنس ایڈمنسٹریشن کے شعبے میں اعلیٰ درجے کی مہارت مہیا کرنے اور اہلیت سے لیس کرنے کی غرض سے ڈیزائن کیا گیا ہے۔

کاروباری دنیا میں بزنس ایڈمنسٹریشن کی ڈگری ہمیشہ مانگ میں رہتی ہے کیونکہ مارکیٹنگ، صنعت یعنی انڈسٹری، فنانس اور آئی ٹی کے شعبوں میں ایم بی اے کی ڈگری رکنے والے افراد کی طلب ہمیشہ عروج پر رہتی ہے۔

یہ ڈگری اُن لوگوں کے لیے خاص طور پر کارآمد ہے جو انڈسٹری اور متعلقہ شعبوں کے انتظامی امور میں اپنا کیریئر بنانا چاہتے ہیں۔

اس کے علاوہ یہ بھی آپ کے علم میں ہے کہ بزنس مینیجمنٹ کی ڈگری کا حصول دنیا میں سب سے زیادہ ملازمت کو یقینی بنانے والے تعلیمی ڈگری کورسز میں سے ایک رہا ہے۔

کورسز اور پروگرامز؟

اگر آپ نے اپنی گریجویشن مکمل کرلی ہے تو پھر آپ ایم بی اے کے پروگرام میں داخلے کے لیے درخواست دے سکتے ہیں۔

بہت سارے اداروں میں داخلے کے نظام کی اپنی شکل ہوتی ہے جس پر وہ عمل درآمد کرتے ہیں لیکن کچھ ادارے آپ سے جی ایم اے ٹی (گریجویٹ مینیجمنٹ داخلہ ٹیسٹ) اسکور بھی طلب کرتے ہیں۔

ایم بی اے میں مہارت حاصل کرنے کا ایک وسیع منطقہ ہے۔ تاہم، پاکستان میں ایم بی اے پروگرام میں پیش کی جانے والی اہم تخصیص میں درج ذیل مضامین شامل ہیں۔

فنانس۔

مارکیٹنگ۔

آپریشن۔

انٹرنیشنل بزنس۔

بینکنگ۔

انفارمیشن ٹیکنالوجی۔ (آئی ٹی)

ہیومن ریسورسز۔ (ایچ آر)

اکائونٹنگ۔

آئل اینڈ گیس۔

ٹوٹل کوالٹی مینیجمنٹ۔ (ٹی کیو ایم)

ریٹیل۔

سپلائی چین۔

ایونٹ۔

ٹورازم اینڈ ہوٹلز۔

پاکستان میں بھی اب ایک ایگزیکٹو ایم بی اے ماسٹرز کی ڈگری انتہائی مقبول ہے۔

کام کرنے والے پیشہ ور افراد جو اپنے کیریئر میں اعلیٰ کارکردگی کا مظاہرہ کرنا چاہتے ہیں یا اپنے ملازمت کے پروفائل کو مزید بڑھانا چاہتے ہیں وہ پارٹ ٹائم یا دوری سے سیکھنے کے پروگرام کے طور پر ای ایم بی اے کرسکتے ہیں۔ پاکستان میں بہت سے ایسے انسٹی ٹیوٹس موجود ہیں جو ای ایم بی اے پروگرام آن لائن اور پارٹ ٹائم پیش کرتے ہیں۔ اگر اپ چاہیں تو ان سے استفادہ حاصل کرسکتے ہیں۔