سندھ میں طلباء کے لیے تپ دق (ٹی بی) کے ٹیسٹ کو لازمی قرار دے دیا گیا

محکمہ صحت سندھ (ایچ ڈی ایس) نے صوبے کے تمام سرکاری اسکولوں میں تعلیم حاصل کرنے والے طلبہ کے لیے تپ دق (ٹی بی) ہیپاٹائٹس اور دیگر ٹیسٹ لازمی قرار دے دیئے ہیں۔

یہ فیصلہ سندھ کی وزیر صحت و پاپولیشن ویلفیئر ڈاکٹر عذرا پیچوہو کی زیرصدارت ہونے والے ایچ ڈی ایس کے تازہ ترین اجلاس میں کیا گیا۔

ڈاکٹر عذرا پیچوہو نے سیشن کے دوران کہا کہ اس فیصلے سے صوبے میں انتہائی خطرناک متعدی بیماریوں کے پھیلاؤ کو روکنے میں مدد ملے گی۔

صوبائی وزیر صحت نے متعلقہ حکام کو تپ دق کے علاج کے لیے استعمال ہونے والی منشیات کی کھلے عام فروخت پر قابو پانے کے لیے سخت ہدایات بھی دیں۔

انہوں نے بتایا کہ ایچ ڈی ایس کے ٹی بی مینیجمنٹ پلان کے تحت، سندھ حکومت طویل عرصے سے تپ دق کے مریضوں کو مفت دوائیں فراہم کررہی ہے۔

صوبائی وزیر صحت نے پہلے سے ہی اس نوعیت کی بیماریوں کے خلاف آگہی پھیلانے کے لیے سرگرم سول سوسائٹی کی تنظیموں سے ہاتھ ملایا اور مختلف ایچ ڈی ایس پروگرامز میں شفافیت کو یقینی بنانے کے لیے مل کر کام کرنے کے عزم پر زور دیا ہے۔۔