پنجاب یونیورسٹی نے ایسوسی ایٹ ڈگریز کے لیے داخلے کا شیڈول جاری کردیا

بذریعہ ٹیم سی جی
|
جنوری 22, 2021
|

پنجاب یونیورسٹی کے شعبہ امتحانات نے بدھ کے روز آرٹس اینڈ سائنس کے شعبے میں ایسوسی ایٹ ڈگری اور خصوصی زمرے (اسپیشل کیٹگریز) کے سالانہ امتحانات کے لیے داخلہ فارم جمع کروانے کا شیڈول جاری کردیا ہے۔

حکام کے مطابق ایسوسی ایٹ ڈگری کے لیے درخواست دینے کی آخری تاریخ باقاعدہ فیس کے ساتھ 29 جنوری ہے۔ طلباء آخری تاریخ سے قبل آرٹس، سائنس اور خصوصی زمرہ جات، ایم بی بی ایس، بی ڈی ایس، فارم ڈی، جنرل نرسنگ، فاضل، وفاق المدارس اور اضافی مضامین میں درخواست دے سکتے ہیں۔

جنوری 30 سے فروری 10 کے دوران داخلے کے لیے درخواست دہندگان کو ڈبل فیس جمع کروانی ہوگی۔ پنجاب یونیورسٹی نے تصدیق کی ہے کہ ایسوسی ایٹ ڈگری سماعت سے محروم طلباء کے لیے رواں سال کے سالانہ امتحان کے لیے آن لائن فارموں کی وصولی کی آخری تاریخ 10 فروری ہے۔