پنجاب حکومت نے طلبا کے لیے پروموشن پالیسی تبدیل کردی

بذریعہ ٹیم سی جی
|
جنوری 04, 2021
|

وزیر تعلیم پنجاب مراد راس نے اعلان کیا ہے کہ طلباء اب 50 فیصد ہوم ورک کی بنیاد پر اگلی کلاس میں ترقی کرسکیں گے۔

پاکستان میں اکسلوں کے دوبارہ کھلنے کی بریکنگ نیوز کے بعد ڈاکٹر مراد را س نے ایک پریس کانفرنس سے خطاب کرتے ہوئے کہا کہ پاکستان بھر کے تعلیمی ادارے تین مراحل میں دوبارہ کھلیں گے۔

اسکولوں کی بندش کے بارے میں بات کرتے ہوئے ڈاکٹر مراد راس نے کہا کہ کورونا وائرس کی وبائی بیماری نے طلبا کو بہت نقصان پہنچایا ہے اور اسکول کی تعلیم کے معاملے میں انہیں آگے جانے کے بجائے پیچھے دھکیل دیا ہے۔

انہوں نے کہا کہ اسکولوں میں پچاس فیصد طلباء ایک دن اور بقیہ پچاس فیصد دوسرے دن اسکول آئیں گے۔ اسکولوں میں دوبارہ تعلیمی سرگرمیوں کے آغاز کے حوالے سے تین مراحل طے کیے گئے ہیں۔ نویں سے بارھویں جماعت تک تعلیمی ادارے 18 جنوری 2021 کو کھلیں گے۔ آٹھویں جماعت تک کے اسکول 25 جنوری کو جبکہ یونیورسٹیز 1 فروری 2021 سے کھولی جائیں گی۔ انہوں نے اس امر پر بھی زور دیا کہ جب تک کورونا وائرس سے بچائو کی ویکسین دستیاب نہیں ہوتی اسکولوں میں اسی پالیسی کو نافذ کیا جائے گا۔

پنجاب حکومت نے طلبا کے لیے پروموشن پالیسی تبدیل کردی