تعلیمی ادارے نوجوانوں کو مارکیٹ پر مبنی تعلیم فراہم کریں، صدرمملکت

بذریعہ ٹیم سی جی
|
نومبر 03, 2021
|

پاکستان کے صدر ڈاکٹر عارف علوی نے چیلنجز کا مقابلہ کرنے اور باقی دنیا کے ساتھ قدم سے قدم ملا کر چلنے کے لیے تعلیمی نظام میں ایک مثالی تبدیلی پر زور دیا ہے۔

منگل کے روز انہوں نے اسلام آباد میں قائداعظم یونیورسٹی کے کانووکیشن سے خطاب کرتے ہوئے قوم کی تقدیر بدلنے کے لیے اعلیٰ تعلیم کی اہمیت اور نوجوانوں کو انفارمیشن ٹیکنالوجی سے لیس کرنے کی ضرورت پر زور دیا۔

صدر مملکت نے کہا کہ ہندوستان میں ہر سال 800,000

مزید پڑھئے: اسکولوں میں معذور افراد کے لیے وفاقی حکومت نیا تربیتی پروگرام بنائے گی

آئی ٹی گریجویٹ پیدا ہوتے ہیں جب کہ پاکستان میں یہ تعداد بمشکل 26,000 ہے۔

انہوں نے کہا کہ ہم وسائل میں محدود ہونے کے باوجود ورچوئل ایجوکیشن کے عنصر کو بڑھا کر آئی ٹی کے شعبے میں اپنے آئی ٹی گریجویٹس کی تعداد میں اضافہ کر سکتے ہیں۔

صدر عارف نے تعلیمی اداروں پر زور دیا کہ وہ طلباء کو مارکیٹ کی ضروریات پر مبنی تعلیم فراہم کریں تاکہ انڈسٹری کی ضروریات کو پورا کیا جا سکے۔

انہوں نے کہا کہ ہم نوجوانوں کی مدد سے اپنی قوم کو بہتر بنانا چاہتے ہیں، اور اننہیں معاشرے کی بہتری اور ترقی کے لیے بھی آگے بڑھنا چاہیے۔

صدر مملکت کے مطابق خواتین کی تعلیم قوم کی تعمیر اور اقتصادی ترقی کے اہداف کے حصول کے لیے اہم ہے۔

ڈاکٹر عارف علوی نے ہائر ایجوکیشن کمیشن کی جانب سے معذور افراد کو مفت تعلیم اور رہائش فراہم کرنے کے پروگرام کی تعریف کی۔ ان کا کہنا تھا کہ تعلیمی اداروں میں منشیات کے استعمال کے خطرے کو ختم کرنے کے لیے اقدامات کیے جائیں۔