پی ایم سی نے ایم ڈی کیٹ کے نئے نتائج کا اعلان کردیا

پاکستان میڈیکل کمیشن (پی ایم سی) نے بدھ کے روز میڈیکل اینڈ ڈینٹل کالج داخلہ ٹیسٹ (ایم ڈی کیٹ) کے دوبارہ نتائج جاری کرنا شروع کردیئے ، جس کا اعلان ٹویٹر اکاؤنٹ کے ذریعے کیا گیا۔

نئے نتائج پی ایم سی کی سرکاری ویب سائٹ پر حاصل کیے جاسکتے ہیں۔ طلبہ سرکاری ویب سائٹ پر سرچ بار میں اپنا رول نمبر داخل کرکے اپنے نتائج دیکھ سکتے ہیں۔

پی ایم سی کی جانب سے جاری کردہ نوٹس میں کہا گیا ہے ، نئے نتائج ویب سائٹ پر اپلوڈ کردیے گئے ہیں۔ دوبارہ گنتی کی درخواستیں آئندہ چند روز میں مکمل ہوجائیں گی۔

امیدواروں کے لئے 29 نومبر کو ایم ڈی کیٹ 2020 کا انعقاد کیا گیا تھا۔ 13 دسمبر کو ان لوگوں کے لئے خصوصی ٹیسٹ بھی کیا گیا تھا جو کورونا وائرس انفیکشن کی وجہ سے معیاری ٹیسٹ میں شامل نہیں ہوسکے تھے۔ پی ایم سی نے دونوں امتحانات کے نتائج 16 دسمبر کو جاری کیے۔

تاہم ، نتائج میں خامیوں اور تضادات کی وجہ سے نتائج پر وسیع پیمانے پر سوال اٹھائے گئے تھے اور طلباء نے ان کو مسترد کردیا تھا۔