کے یو کے انٹری ٹیسٹ میں 11 ہزار سے زائد امیدوار حصہ لیں گے

جامعہ کراچی (کے یو) میں آئندہ تعلیمی سال کے داخلے کے لیے داخلہ ٹیسٹ ہفتہ اور اتوار کو ہونا قرار پائے ہیں، جس میں گیارہ ہزار سے زیادہ امیدوار شرکت کریں گے۔

کورونا وائرس کے وبائی مرض کی وجہ سے تعلیمی اداروں کی بندش کے باوجود ہائر ایجوکیشن کمیشن (ایچ ای سی) اسلام آباد نے داخلہ ٹیسٹ لینے کے لئے مختلف تعلیمی اداروں کو اجازت دی ہے۔

کے یو داخلہ کی کمیٹی کی ڈائریکٹر ڈاکٹر صائمہ اختر کے مطابق کووِڈ نائنٹین کے پھیلاؤ سے بچنے کے لیے ٹیسٹ اور ایس او پیز پر عمل در آمد یقنینی بنانے کی غرض سے 40 ٹیسٹ مراکز قائم کردیئے گئے ہیں جس کی سختی سے پیروی کی جائے گی۔

ڈاکٹر صائمہ اختر کے مطابق گذشتہ سال ٹیسٹ 26 مراکز پر ہوئے تھے جس میں ہر کلاس روم میں 60 طلباء شامل تھے۔ تاہم ، اس بار انہوں نے کہا کہ ہر کلاس روم میں صرف 30 طلباء بیٹھے ہوں گے۔ انہوں نے یہ بھی بتایا کہ امیدواروں کو ایس او پیز کی پیروی کرنے جبکہ پانی کی بوتلیں، سینیٹائزر اور دیگر سامان اپنے ساتھ لانے کی ہدایت کی گئی ہے۔

ہفتہ کو ماسٹرز کے انٹری ٹیسٹ میں مجموعی طور پر 550 امیدوار شرکت کریں گے جبکہ 10،500 امیدوار اتوار کو بیچلرز ٹیسٹ کے لیے حاضر ہوں گے۔

انڈرگریجویٹ پروگراموں کے امیدوار یونیورسٹی کے 19 شعبہ جات کی کل 2 ہزار نشستوں پر داخلے کے لیے درخواست دے رہے ہیں۔