کراچی یونیورسٹی سی ایس ایس کے امتحانات کا پریپریشن کورس پیش کرے گی

جامعہ کراچی کے گائڈنس کونسلنگ اینڈ پلیسمنٹ بیورو نے اعلان کیا ہے کہ وہ سینٹرل سپیریئر سروس (سی ایس ایس) امتحانات کی تیاری کے لیے پریپریشن کورس کی درخواستیں قبول کررہی ہے۔

کے یو کے جاری کردہ ایک بیان کے مطابق درخواست دہندگان کو اپنے درخواست فارمز کے لیے 12 مارچ 2021 تک درخواست دینا ہوگی۔

امیدواروں کو لازمی طور پر سی ایس ایس پریپریشن کورس رجسٹریشن فارم نیو ایڈمنسٹریشن بلڈنگ کی پہلی منزل پر اسٹوڈنٹ گائیڈنس کونسلنگ اینڈ سلیکشن بیورو سے حاصل کرنا چاہیے۔

انہیں صبح 9 بجے اور شام 4 بجے کے اوقات میں یہ فارم مکمل کرنا ہوگا اور اسے دفتر میں واپس جمع کرانا ہوگا۔

یونیورسٹی انتظامیہ کا کہنا ہے کہ رجسٹریشن فارم صرف 200روپے کی فیس کی ادائیگی کے عوض دستیاب ہے۔

سی ایس ایس کا امتحان بہت سارے پاکستانیوں کے لیے سرکاری دفاتر میں ملازمت کے حصول کے لیے ایک اہم سنگِ میل ہے اور یہ کیریئر بنانے کا ایک امید افزا اور قابل احترام موقع ہے۔