عمران خان نے القادر یونیورسٹی کا افتتاح کردیا

بذریعہ ٹیم سی جی
|
مارچ 15, 2021
|

وزیر اعظم پاکستان عمران خان نے سوہاوہ میں واقع القادریونیورسٹی کا باضابطہ افتتاح کردیا ہے۔

وزیر اعظم نے افتتاحی تقریب سے خطاب کرتے ہوئے ملک کی ترقی اور نشوونما میں تعلیم کی اہمیت کو اجاگر کیا۔

انہوں نے اسلام کے سنہری اصولوں کی پاسداری کرتے ہوئے القادر یونیورسٹی کو تحقیقی مرکز اور کردار ساز ادارہ بنانے کی خواہش کا بھی اظہار کیا۔

وزیر اعظم عمران خان نے دعویٰ کیا کہ یہ یونیورسٹی مصر کی جامعہ الازہر کی طرز پر قائم کی گئی ہے جو نوجوانوں کے لیے اسٹائل آئیکن کے طور پر کام کرے گی۔ ان کا کہنا تھا کہ اس یونیورسٹی کی تحقیق کو پاکستان کے دیگر تعلیمی اداروں تک پہنچایا جائے گا۔ انہوں نے یہ بھی بتایا کہ یونیورسٹی ستمبر میں باقاعدہ تعلیمی سرگرمیاں شروع کردے گی۔

سید ناصر حسین اور حمزہ یوسف جیسے ممتاز اسلامی اسکالرز یونیورسٹی کے بورڈ آف ڈائریکٹرز میں شامل ہیں جو سیرت النبی صلی اللہ علیہ وآلہ وسلم اور صوفیائے کرام کی تعلیمات کو عام کرنے کو یقینی بناتے ہیں۔

وزیر اعظم نے خواہش ظاہر کی کہ یونیورسٹی لائق طلبہ کو وظائف (اسکالرشپس) دے کر اپنی تعلیم جاری رکھنے اور معاشرے میں اپنا بہترین کردار ادا کرنے کے لیے کام کرے گی۔