گرمی کی شدید لہر: تعلیمی اداروں میں پرائمری کلاسز بند کرنے کا حکم

بذریعہ ٹیم سی جی
|
مئی 18, 2022
|

شدید گرمی،

ہیٹ ویو کی شدت کے خطرے کے پیش نظر اسلام آباد میں سرکاری اور نجی تعلیمی اداروں میں پرائمری کلاسز بند کرنے اور چھٹی سے اوپر کی کلاسز کا دورانیہ کم کرنے کا حکم جاری کردیا گی

ایکسپریس نیوز کے مطابق اسلام آباد میں ہیٹ ویو کے تناظر میں پرائیویٹ ایجوکیشنل انسٹی ٹیوشنز ریگولیٹری اتھارٹی (پیرا) نے تمام سرکاری اور نجی تعلیمی اداروں کو پہلی تا پانچویں ساری کلاسز بند کرنے کے احکامات جاری کردیے۔ اس کے ساتھ ہی چھٹی سے اوپر تمام کلاسز کا دورانیہ صبح 8 بجے سے 11 بجے تک کر دیا گیا ہے۔

تمام اسکولوں کو نوٹی فکیشن کے ذریعے مطلع کردیا گیا ہے جس پر مکمل عمل درآمد کی ہدایت دی گئی ہے۔ ایریا ایجوکیشن افسران کو تعلیمی اداروں کو ایڈوائزری پر مکمل عملدرآمد کروانے کا پابند کیا گیا ہے۔ تاہم دوسری جانب نجی تعلیمی اداروں نے پرائمری کلاسز بند کرنے کی مخالفت کی ہے۔

اسلام آباد میں واقع ننجی تعلیمی اداروں نے اسکولز بند کرنے کی مخالفت کی ہے۔ آل پاکستان پرائیویٹ اسکولز اینڈ کالجز ایسوسی ایشن کے صدر ملک ابرار حسین نے کہا ہے کہ پانچویں کلاس تک تعلیمی ادارے بند کرنے کا حکومتی فیصلہ ناقابل عمل ہے، پیرا کا یہ فیصلہ زمینی حقائق سے مطابقت نہیں رکھتا۔

انہوں نے کہا کہ حکومتی فیصلے سے بدحالی کا شکار تعلیمی شعبہ مزید تباہی کا شکار ہوجائے گا، حکومت اس فیصلے پر نظرثانی کرے۔