اے پی ایس حملے میں بچ جانے والے احمد نوازآکسفورڈ یونین کے صدر بن گئے

بذریعہ ٹیم سی جی
|
جون 27, 2022
|

پشاور کے آرمی پبلک اسکول پر حملے میں بچ جانے والے احمد نواز برطانیہ کی مشہورِ زمانہ آکسفورڈ یونین کے صدر بن گئے ہیں جو کہ پاکستان کے لیے ایک اعزاز کی بات ہے۔

وزیراعظم شہبازشریف نے اپنی ایک ٹوئٹ میں کہا کہ احمد نواز معتبر آکسفورڈ یونین کے صدربن گئے ہیں۔ انہوں نے یہ بڑا اعزاز اپنے عزم اور قوت ارادی سے حاصل کیا۔

وزیراعظم شہبازشریف نے ٹوئٹر پر مزید کہا کہ احمد نواز نے نوجوانوں کے لئے قابل تقلید مثال قائم کی ہے۔پاکستان کو احمد نواز جیسے نوجوانوں پر فخر ہے۔

احمد نواز ان خوشقسمت بچوں میں شامل تھے جو پشاور میں واقع آرمی پبلک اسکول پر ہونے والے حملے میں زندہ بچ گئے تھے۔