پشاور بورڈ نے انٹرمیڈیٹ کے نتائج 2020 کا اعلان کردیا

بذریعہ ٹیم سی جی
|
جولائی 29, 2020
|

بورڈ آف سیکنڈری اینڈ انٹرمیڈیٹ ایجوکیشن پشاور نے کوویڈ 19 صورتحال کے پس منظر میں سال 2020 کے نتائج کا اعلان کردیا۔

ذرائع کے مطابق پشاور ، چارسدہ ، خیبر ، مہمند اور چترال (بالائی اور زیریں) سے 117825 امیدواروں نے امتحان کے لئے درخواست دی۔

پری میڈیکل گروپ میں مجموعی طور پر 21756 امیدوار شامل ہوئے، جن میں سے تمام طلبا نے کامیابی حاصل کی، اس طرح پری انجینئرنگ میں 6102 طلباء نے شرکت کی، اس میں بھی پاس ہونے کی شرح 100 فیصد رہی۔ جنرل سائنس اور ہیومینٹیز گروپس کے نتائج بھی 100 فیصد نکلے جن میں 4405 اور 21840 امیدواروں نے شرکت کی۔

خواتین امیدواروں میں جناح کالج کی مریم ندیم نے 1054 نمبر لے کر پہلی پوزیشن حاصل کی، جناح کالج فار ویمن کی مہنور سلیم اور فاطمہ محمد جان نے 1035 نمبر لے کر دوسری پوزیشن حاصل کی اور جناح کالج برائے خواتین کی عاصم جوہر نے 1025 نمبر کے ساتھ تیسری پوزیشن حاصل کی۔