لاہور میں طالبہ سے نازیبا حرکات کرنے والا استاد گرفتار

بذریعہ ٹیم سی جی
|
جون 14, 2022
|

لاہور میں طالبہ سے نازیبا حرکات کرنے والا استاد گرفتار

لاہور میں برکی تھانے کی پولیس نے 12 سالہ طالبہ کے ساتھ نازیبا حرکات کرنے والے استاد کو گرفتار کرلیا۔

ایس پی کینٹ عیسیٰ سکھیرا کی ہدایت پر برکی پولیس نے کارروائی کی۔ ملزم قاری امجد نے مدرسے میں پڑھنے کے لیے آنے والی 12 سالہ بچی کے ساتھ نازیبا حرکات کی تھیں۔

ایس پی عیسیٰ سکھیرا نے بتایا کہ اطلاع ملنے پر ملزم کو فوری طور پر گرفتار کرکے مقدمہ درج کرلیا گیا ہے۔ ملزم قاری امجد برکی تھانے کی حدود میں واقع مدرسے میں پڑھاتا ہے۔

ان کا کہنا تھا کہ بچوں اور بچیوں کے ساتھ کسی قسم کی بدسلوکی اور ہراسمنٹ قبول نہیں کی جائے گی اور بچوں کے جنسی استحصال میں ملوث عناصر کو سخت سزا دلوائی جائے گی۔