سوات میں اسکول وین پر فائرنگ، ڈرائیور جاں بحق، 2 طالبعلم زخمی

بذریعہ ٹیم سی جی
|
اکتوبر 11, 2022
|

سوات میں اسکول وین پر فائرنگ، ڈرائیور جاں بحق، 2 طالبعلم زخمی

خیبر پختون خوا کے ضلع سوات میں اسکول وین پر فائرنگ کی گئی ہے جس کے نتیجے میں ڈرائیور جاں بحق ہو گیا اور دو طالبِ علم زخمی ہوگئے

پولیس کے مطابق سوات میں چار باغ کے علاقے گلی باغ میں اسکول وین پر نامعلوم افراد نے فائرنگ کی۔ پولیس نے بتایا ہے کہ اسکول وین پر فائرنگ کے نتیجے میں ڈرائیور جاں بحق ہو گیا جبکہ 2 طالب علم زخمی ہو گئے۔ پولیس کے مطابق ملزمان فائرنگ کی واردات انجام دینے کے بعد باآسانی فرار ہو گئے۔

زخمی طالب علموں اور جاں بحق ہونے والے ڈرائیور کی لاش کو اسپتال منتقل کر دیا گیا ہے۔ پولیس کا کہنا ہے کہ چھان بین کے بعد ہی واقعے کی نوعیت کے بارے میں آگاہ کیا جائے گا۔