اقلیتی طلباء کے لیے 45 ملین روپے کی اسکالرشپس کا اعلان

وفاقی وزارت برائے مذہبی امور اور بین المذاہب ہم آہنگی کی جانب سے اقلیتی طلباء کے لیے شاندار وظائف کا اعلان کیا گیا ہے۔

اسکالرشپ کے لیے کوالیفائی کرنے کے لیے، طلبہ کو سالانہ امتحانات میں کم از کم 50فیصد نمبر حاصل کرنا ضروری ہیں اور ان کی ماہانہ گھریلو آمدنی50,000 روپے سے کم ہونی چاہیے۔

اسکالرشپ فنڈز کے لیے مختص رقم کو بینک اکاؤنٹ کے ذریعے منتقل کیا جانا لازمی ہے جبکہ18 سال سے کم عمر افراد اپنے والدین کے ساتھ ایک مائنر بینک اکاؤنٹ یا مشترکہ بینک اکاؤنٹ کھول سکتے ہیں۔

طلباء کو 6 اکتوبر تک اپنا درخواست فارم درکار دستاویزات کے ساتھ متعلقہ وزارت میں جمع کرانا ہوگا۔ آپ کو اپنے فارم کی تصدیق شدہ کاپیاں، قومی شناختی کارڈ، نادرا کا بے فارم، آپ کے پچھلے سالانہ امتحانات کی مارک شیٹس، ڈومیسائل اور پراگریس رپورٹس کی ضرورت ہوگی۔

سیمسٹر سسٹم کے لیے طلباء کو آخری دو سیمسٹرز کی اپنی مارک شیٹس کی تصدیق شدہ کاپیاں جمع کرانی ہوں گی کیونکہ جی پی اے سسٹمز کو تشخیصی مارک شیٹس کی تصدیق شدہ کاپیوں کی ضرورت ہوتی ہے۔

اسکالر شپ کی شرائط و ضوابط میں کہا گیا ہے کہ نامکمل درخواستیں فوری طور پر مسترد کر دی جائیں گی جبکہ پہلے سے ہی دوسرے ذرائع سے مالی امداد، وظیفہ یا اسکالرشپ حاصل کرنے والے طلباء ان اسکالرشپس کے اہل نہیں ہیں۔

مزید تفصیلات کے لیے درج ذیل لنک پر کلک کریں۔

https://www.mora.gov.pk/