پنجاب میں جمعرات اور جمعے کو تمام تعلیمی ادارے بند رہیں گے

بذریعہ ٹیم سی جی
|
مئی 11, 2023
|

پنجاب میں جمعرات اور جمعے کو تمام تعلیمی ادارے بند رہیں گے

پنجاب حکومت کا کہنا ہے کہ ملک کے حالات کے پیش نظر آج یعنی 11 مئی جمعرات اور کل 12 مئی جمعے کے روز صوبے بھر میں تمام سرکاری اسکولوں، کالجوں اور یونیورسٹیوں سمیت تعلیمی ادارے بند رہیں گے جبکہ پنجاب کا ہائرایجوکیشن ڈیپارٹمنٹ بھی بند رہے گا۔

سیکیورٹی کی موجودہ صورتحال کے نتیجے میں پنجاب کے ہائیر ایجوکیشن ڈیپارٹمنٹ نے یہ فیصلہ کیا ہے۔

اس کے علاوہ سیکنڈری اسکول کے پہلے سالانہ امتحانات برائے 2023 (پارٹ ون) کے پیپرز بھی اگلے نوٹس تک ملتوی کر دیے گئے ہیں۔

گزشتہ روزصوبائی وزارت داخلہ نے امن و امان کی بگڑتی ہوئی صورتحال سے نمٹنے کے لیے پنجاب میں فوج کی تعیناتی کی منظوری دی تھی۔