پنجاب حکومت کا لاہور میں قائم غیر رجسٹرڈ نجی تعلیمی اداروں کو الٹی میٹم

بذریعہ ٹیم سی جی
|
مارچ 01, 2022
|

پنجاب حکومت کا لاہور میں قائم غیر رجسٹرڈ نجی تعلیمی اداروں کو الٹی میٹم

ڈسٹرکٹ ایجوکیشن اتھارٹی لاہور کے مطابق صوبائی دارالحکومت میں تمام غیر رجسٹرڈ پرائیویٹ اسکولوں، کالجوں اور اکیڈمیوں کو 15 مارچ تک اپنے آپ کو حکومت پنجاب کے ساتھ رجسٹر کرانا ہو گا۔

اطلاعات کے مطابق، ڈی ای اے لاہور نے شہر میں واقع تمام نجی اسکولوں اور دیگر تعلیمی اداروں کے لیے 15 فروری کو رجسٹر ہونے کی آخری تاریخ مقرر کی تھی، تاہم صوبائی دارالحکومت میں بنائے گئے پرائیویٹ اسکولز، کالجز اور اکیڈمیوں کے مالکان کی جانب سے جواب نہ ملنے کی وجہ سے ڈیڈ لائن میں توسیع کر دی گئی ہے۔

ڈی ای اے لاہور کے نمائندے کے مطابق شہر میں واقع نجی تعلیمی ادارے پرائیویٹ ایجوکیشن پرووائیڈر رجسٹریشن اینڈ انفارمیشن سسٹم کے ذریعے خود کو رجسٹر کر سکتے ہیں۔

ترجمان کے مطابق 15 مارچ کے بعد کسی بھی غیر رجسٹرڈ اسکول، کالج یا اکیڈمی کو بند کر دیا جائے گا اور اس کے مالک اور اعلیٰ انتظامیہ کے خلاف قانونی کارروائی کی جائے گی۔

پنجاب حکومت نے صوبے میں واقع نجی اداروں کی رجسٹریشن کو آسان بنانے کے لیے نومبر 2020 میں پی ای پی آر آئی ایس سسٹم کا آغاز کیا تھا۔ اس کے آغاز سے اب تک 86,000 سے زیادہ اداروں نے خود کو حکومت کے ساتھ رجسٹر کیا ہے