بھارت میں مسلمان طالبہ کی کالج کی چھت سے کود کر خودکشی، ویڈیو وائرل

بذریعہ ٹیم سی جی
|
اکتوبر 28, 2022
|

بھارت میں مسلمان طالبہ کی کالج کی چھت سے کود کر خودکشی، ویڈیو وائرل

بھارت میں ہندو ہم جماعت کی جانب سے ہراساں کیے جانے پر مسلمان طالبہ نے میڈیکل کالج کی چھت سے کود کر اپنی زندگی کا خاتمہ کرلیا۔

بھارتی میڈیا کے مطابق میرٹھ میڈیکل کالج میں بی ڈی ایس کی 20 سالہ طالبہ وانیہ شیخ نے گزشتہ روز کالج کی چھت سے کود کر خودکشی کی کوشش تھی اور آج دوران علاج دم توڑ دیا۔

پولیس نے طالبہ کے ہم جماعت سدھارتھ پنہور کو حراست میں لیا ہے جس نے گزشتہ روز سب کے سامنے طالبہ کی نہ صرف بے عزتی کی تھی بلکہ ایک تھپڑ بھی رسید کیا تھا۔ پولیس کے مطابق طالبہ کے موبائل سے سدھارتھ کے دھمکی آمیز پیغامات بھی ملے ہیں۔

سوشل میڈیا پر وائرل ہونے والی ویڈیو میں دیکھا جا سکتا ہے کہ طالبہ میڈیکل کالج کی لائبریری کی چھت پر کھڑی ہے اور وہاں سے کود کر خودکشی کرلیتی ہے۔

خیال رہے کہ بھارت میں مودی سرکار کے دور حکومت میں اقلیتوں بالخصوص مسلمانوں کے لیے زندگی تنگ کردی گئی ہے۔ اسی طرح کرناٹک کے بعد دیگر ریاستوں میں بھی تعلیمی اداروں میں مسلم طالبات کے حجاب پہننے پر بھی پابندی عائد کردی گئی ہے۔