نیشنل اکیڈمی آف ہائر ایجوکیشن کے زیر اہتمام ہائر ایجوکیشن کمیشن کے افسران کے لیے لیڈر شپ اور مینیجمنٹ ٹریننگ پروگرام

ہائر ایجوکیشن کمیشن (ایچ ای سی) کے اکیڈمک ونگ نیشنل اکیڈمی آف ہائر ایجوکیشن (این اے ایچ ای) کے زیر اہتمام دو روزہ لیڈرشپ اینڈ مینیجمنٹ ٹریننگ پروگرام میں ایچ ای سی کے بی پی ایس 18اور اس کے مساوی افسران نے شرکت کی۔

ایچ ای سی کے ملازمین کو تربیتی پروگرام کے ذریعے ان کی قائدانہ صلاحیتوں کو بہتر بنانے اور تنقیدی انداز میں سوچنے کی صلاحیت کو مضبوط بنانے کی ترغیب دی گئی۔

دو روزہ مکالمے کے دوران، شرکاء نے اس بات کی تعریف کی کہ پیچیدہ چیلنجوں سے اجتماعی طور پر نمٹنے کے لیے کس طرح ٹیم ورک انتہائی ضروری ہے۔

ایچ ای سی کے انجینئر اور مشیر برائے (تعلیمی، نصاب اور این اے ایچ ای) رضا چوہان نے افتتاحی سیشن سے خطاب کیا۔ اپنی استقبالیہ تقریر میں محمد رضا چوہان نے زور دیا کہ پیشہ ورانہ رویہ موثر عوامی مصروفیت کی کارکردگی کا ایک لازمی عنصر ہے۔

اختتامی تقریب کے ایک حصے کے طور پر، انجینئر رضا چوہان نے شرکاء میں اسناد تقسیم کیں۔ انہوں نے کہا کہ صلاحیت سازی کے پروگراموں کے ذریعے افسران کی قائدانہ صلاحیتوں کو فروغ دیا جاتا ہے۔