لاہور: یونیورسٹی کی طالبہ کی خودکشی کی کوشش

بذریعہ ٹیم سی جی
|
جون 30, 2022
|

لاہور: یونیورسٹی کی طالبہ کی خودکشی کی کوشش

لاہور میں یونیورسٹی کی ایک طالبہ نے تیسری منزل سے چھلانگ لگا کر اپنی زندگی کا خاتمہ کرنے کی کوشش کی۔

لاہور ویمن یونیورسٹی کی طالبہ نے سوشل سائنسز ڈیپارٹمنٹ کی عمارت کی تیسری منزل سے چھلانگ لگا کر اپنی زندگی کا خاتمہ کرنے کی کوشش کی۔

ایکسپریس ٹریبیون کے مطابق لڑکی کو شدید چوٹیں آئی ہیں اور اسے سروسز اسپتال لے جایا گیا جہاں اس کی دیکھ بھال کے لیے ڈاکٹروں اور نرسوں کی ٹیم تشکیل دی گئی۔

ایل سی ڈبلیو یو کے ترجمان نوید اقبال کے مطابق، طالبہ نے یونیورسٹی کی بی ایس کلاس میں داخلہ لیا تھا اور اس کے والدین کو واقعے کے فوراً بعد مطلع کر دیا گیا۔

پولیس حکام نے بتایا ہے کہ چھلانگ لگانے والی لڑکی کی شادی 15 روز قبل حاصل پور میں ہوئی تھی لیکن اس کے سسرال والوں نے اسے دو روز قبل اکیلے بس سروس کے ذریعے واپس بھیج دیا۔ جس کے بعد سے طالبہ شدید ذہنی تناؤ کا شکار تھی۔

یونیورسٹی انتظامیہ نے واقعے کی مزید تحقیقات کے لیے پانچ رکنی کمیٹی تشکیل دے دی ہے۔ پولیس حکام نے یہ بھی بتایا ہے کہ تیسری منزل سے کودنے کے بعد لڑکی کی دونوں ٹانگیں ٹوٹ گئی ہیں۔