حکومت نے سیکنڈ ڈیجی اسکلز پروگرام میں فری لانسرز کا اندراج کرنا شروع کردیا

اگنائٹ کے ذریعے، پاکستان کی وزارت برائے انفارمیشن ٹیکنالوجی اور ٹیلی کام نے ڈیجی اسکلز ٹریننگ پروگرام کا دوسرا مرحلہ شروع کر دیا ہے، جس کا ہدف ملک میں 10 لاکھ فری لانسرز کو تربیت دینا ہے۔

سرکاری پلیٹ فارم سے جاری ہونے والی ایک خبر کے مطابق، دوسرے مرحلے کے بیچ ون کے لیے رجسٹریشن آج4 جنوری سے شروع ہوگی اور 31 جنوری تک جاری رہے گی۔ اس بیچ میں کل 250,000 نشستیں دستیاب ہوں گی، جو پہلے آئیے پہلے پائیے کی بنیاد پر پُر کی جائیں گی۔ تاہم، اگر اس تاریخ سے پہلے تمام مختص نشستیں بھر جاتی ہیں تو اندراج بند کر دیا جائے گا اور کوئی اضافی نشستیں پیش نہیں کی جائیں گی۔

جو طلباء اس پروگرام میں حصہ لینے میں دلچسپی رکھتے ہیں وہ درج ذیل لنک کے ذریعے اس ویب سائٹ پر رجسٹر ہو سکتے ہیں۔

website

مزید پڑھئیے: سندھ نے میٹرک کے امتحانات کا شیڈول جاری کر دیا

رجسٹریشن کے بعد، طلباء کو یقینی بنانا چاہیے کہ وہ اپنی پسند کے دو کورسز میں سے کسی ایک میں داخلہ لیں کیونکہ رجسٹریشن کا شماراندراج کے طور پر ہوتا ہے۔

فرسٹ ٹائمرز کے لیے، فری لانسنگ کورس کے لیے رجسٹریشن ضروری ہے۔ ان کے پاس دوسرا کورس منتخب کرنے کا اختیار ہے۔ اس کے علاوہ، سیکھنے والوں کے ماضی کے بیچز انہیں ٹریننگ پروگرام کے فیز ٹو میں داخلہ لینے کا اہل بناتے ہیں۔ ایسے طلباء فری لانس کورس کے استثناء کے ساتھ کسی بھی دو کورسز میں خود کو رجسٹر کرنے کے لیے آزاد ہیں۔

اطلاعات کے مطابق کلاسز کا پہلا دور منگل، یکم فروری 2022 کو شروع ہوگا۔