کالج کے طلبہ و طالبات کی امتحان میں شرکت کے لیے 70 فیصد حاضری لازمی قرار

بذریعہ ٹیم سی جی
|
جنوری 04, 2023
|

سندھ کے محکمہ کالجز نے کالج جانے والے طلبہ و طالبات کے امتحانات میں بیٹھنے کے لیے 70 فیصد حاضری کو لازمی قرار دے دیا۔

ایکسپریس نیوز کے مطابق محکمہ کالجز کی جانب سے جاری کردہ حکم نامے میں طلبہ وطالبات کو پابند کیا گیا ہے کہ اُن کی کالج میں حاضری 70 فیصد ہونی چاہیے، ایسا نہ ہونے کی صورت میں انہیں امتحانات میں بیٹھنے کی اجازت نہیں ہوگی۔

سیکریٹری کالجز نے کہا کہ 70 فیصد حاضری کا اطلاق صوبے کے تمام سرکاری کالجز پر ہوگا۔

ذرائع کے مطابق محکمہ کالجز نے اساتذہ اور پرنسپلز کو بھی ہدایت کی ہے کہ وہ طلبہ کی حاضری کے حوالے سے اقدامات کریں اور طالب علموں کو پابند بھی کریں۔