پنجاب کے نجی تعیمی اداروں کا بچوں کو سمر اسکول بھیجنے کا مطالبہ

بذریعہ ٹیم سی جی
|
جون 20, 2022
|

اس سے قبل حکام نے انتہائی خراب موسمی حالات کی وجہ سے پاکستان میں کسی بھی قسم کے سمر کیمپ نہ لگانے مشورہ دیا تھا۔

موسم گرما کی سالانہ تعطیلات اور ہدایات کے باوجود، لاہور کے بہت سے نجی تعلیمی ادارے اپنے طلباء کو چھٹیوں کے دوران کیمپس میں ہونے والی کلاسز میں شرکت کے علاوہ کوئی آپشن نہیں دے رہے۔

رپورٹس کے مطابق، بچے شدید گرمی میں کیمپس میں لھنے والی کلاسز میں شرکت کرنے پر مجبور ہیں۔ دوسری جانب لاہور ڈسٹرکٹ ایجوکیشن اتھارٹی نے اس غیر قانونی طرز عمل پر آنکھیں بند کر رکھی ہیں۔

مئی کے آخری ہفتے میں پنجاب حکومت نے صوبے کے تمام سرکاری و نجی اسکولوں اور یونیورسٹیوں کے لیے موسم گرما کی تعطیلات کا اعلان کیا تھا۔ موسم گرما کی چھٹیاں یکم جون سے شروع ہوئیں اور 31 جولائی کو ختم ہوں گی جبکہ نیا تعلیمی سال یکم اگست سے شروع ہوگا۔

اس ماہ کے شروع میں یہ پتہ چلا تھا کہ پنجاب میں نجی اسکولوں کی ایک قابل ذکر تعداد گرمیوں کی تعطیلات کے دوران آن لائن کلاسز کا انعقاد کر رہی ہے، قطع نظر اس کے کہ موسم گرما کی باقاعدہ تعطیلات نافذ ہوں یا نہ ہوں۔

طلبہ و طالبات کے والدین اس عمل سے مشتعل ہوگئے اور انہوں نے صوبائی حکومت سے مطالبہ کیا کہ وہ پرائیویٹ اداروں کے خلاف سخت کارروائی کرے جنہوں نے گرمیوں کی تعطیلات اور سمر کیمپوں پر پابندی کے حوالے سے اس کے ضوابط کی خلاف ورزی کی ہے۔