نائیجیرین ایڈ ٹیک اسٹارٹ اپ ٹیساس نے 1.6 ملین ڈالر جمع کر لیے

نائجیریا سے تعلق رکھنے والے ایڈٹیک اسٹارٹ اپ ٹیساس نے نئے ٹیوٹر مارکیٹ پلیس کو بڑھانے اور خود کو بڑے پیمانے پر لانچ کرنے کے لیے ایک اعشاریہ چھ ملین ڈالر جمع کرلیے ہیں۔

اوسائی آئیزیڈوم وین نے سات سال بعد اپنی کمپنی آئیموس کے تحت الیکٹرانک گیجٹس کی تیاری سے وقفہ لے لیا تاکہ اس آئیڈیا کو آگے بڑھایا جا سکے جس پر وہ طویل عرصے سے تجربات کر رہے تھے۔

ٹیساس نامی ایک ایڈ ٹیک سٹارٹ اپ، جو فی الحال نائیجیریا میں سیکھنے والوں کو ویڈیو کلاسز اور دیگر ڈیجیٹل تدریسی مواد فراہم کرتا ہے، اس کا آغاز صرف چند ماہ قبل ہوا تھا لیکن اس نے ایک تیز رفتار آغاز کیا، جس کے نتیجے میں 1.6 ملین پری سیڈ فنڈ ریزنگ راؤنڈ ہوا۔

آئیزیڈوم وین ان فنڈز کو نئے خطوں میں پھیلانے اور ایک ایسی مارکیٹ تیار کرنے کا ارادہ رکھتے ہیں جو طلباء کو پرائیویٹ کورسز کے لیے اساتذہ سے جوڑے اور اپنی مصنوعات کی پیشکش کو وسیع کرے۔

ٹیساس کا مواد نائجیریا کے قومی نصاب سے وابستہ ہے اور سیکھنے والوں کے لیے لائیو اور ریکارڈ شدہ دونوں فارمیٹس میں دستیاب ہے، جس کی ماہانہ رکنیت 6 ڈالر سے شروع ہوتی ہے۔ یہ ایڈٹیک اسٹارٹ اپ روایتی اسکول کے کام کے علاوہ مقامی زبان کی کلاسیں بھی پیش کرتا ہے۔

آئیزیڈوم وین نے بھارت کا دورہ کرنے کے بعد ٹیساس کے ڈیزائن اور ترقی پر کام شروع کیا۔ انہوں نے وضاحت کی کہ میں بھارت کی مارکیٹ پر غور کر رہا ہوں کیونکہ وہ تکنیکی طور پر ترقی یافتہ ہیں اور کچھ بائیجو جیسی بڑی کمپنیاں ایڈ ٹیک انقلاب کی قیادت کر رہی ہیں۔ ان کا کہنا تھا کہ میں ماڈل کو جاننے اور اس میں بہتری لانے کے طریقے تلاش کرنے کے لیے ملک سے باہر گیا، پھر ہم نے بھارتی اڈاپشن کا اطلاق کیا۔

انہوں نے مزید کہا کہ ٹیساس کا افریقہ کے تعلیمی مستقبل پر سب سے زیادہ اثر پڑے گا۔ اور میں اس بات کو یقینی بنانا چاہتا ہوں کہ میں اس منتقلی کو چلانے میں اپنا سب کچھ دے رہا ہوں، یہی وجہ ہے کہ میں اپنی پوری توجہ اس پر لگا رہا ہوں، انہوں نے مزید کہا کہ ان کی اگلی حکمت عملی کا ایک حصہ فرانکوفون میں مشرقی اور جنوبی افریقہ کی نئی منڈیوں میں توسیع کرنا ہوگا۔ تاہم ٹیساس اب ابھرتے ہوئے افریقی ایڈ ٹیک اسٹارٹ اپس کی فہرست میں شامل ہے جنہوں نے حال ہی میں افریقہ کی بڑھتی ہوئی ایڈ ٹیک انڈسٹری میں پیسہ لگانے والے سرمایہ کاروں سے فنڈنگ حاصل کی ہے۔