کے پی کی سرکاری جامعات کے کنٹریکٹ ملازمین کے مسائل کے حل کے لیے کمیٹی قائم

بذریعہ ٹیم سی جی
|
اکتوبر 25, 2022
|

سرکاری جامعات کے کنٹریکٹ ملازمین کے مسائل کے حل کے لیے وزیراعلیٰ خیبرپختونخوا نے 7 رکنی کمیٹی قائم کر دی۔

وزیر علیٰ سیکریٹریٹ خیبرپختونخوا نے اعلامیہ جاری کر دیا جس کے مطابق صوبائی وزیر خزانہ تیمور سلیم جھگڑا کمیٹی کے چیئرمین مقرر کیے گئے ہیں۔

کمیٹی اراکین میں چار وزراء اور تین سیکریٹریز شامل ہیں جبکہ وزیر برائے اعلیٰ تعلیم کامران بنگش اور وزیر بلدیات فیصل امین گنڈاپور بھی کمیٹی میں شامل ہیں۔

کمیٹی کو کنٹریکٹ ملازمین کے بارے میں معلومات جمع کرنے احکامات دیے گئے ہیں، کمیٹی ملازمین کو مستقل کرنے کے لیے اخراجات کا بھی تخمینہ لگائے گی۔ کمیٹی کو تفصیلی رپورٹ بنا کر ایک مہینے میں جمع کروانے کی ہدایت کی گئی ہے۔

واضح رہے کہ سرکاری جامعات کے کنٹریکٹ ملازمین نے مسائل کے حل کے لیے بنی گالا کے سامنے دھرنا دیا تھا۔