زیادہ نمبر لینا آٹھویں جماعت کے طالبِ علم کی جان لے گیا

بذریعہ ٹیم سی جی
|
ستمبر 07, 2022
|

بھارت میں ایک خاتون نے اپنی بیٹی سے زیادہ نمبر لینے والے طالبِ علم کو زہر پلا کر مار دیا۔

میڈیا رپورٹس کے مطابق بھارت میں آٹھویں کلاس کی طالبہ کی والدہ نے اپنی بیٹی سے زیادہ نمبر حاصل کرنے والے طالب علم کو حسد میں آکر زہر دے دیا جس سے وہ جان کی بازی ہار گیا۔

بھارتی میڈیا کے مطابق بھارت کے شہر پدو چیری میں آٹھویں کلاس میں دوسری پوزیشن لینے والی طالبہ کی والدہ نے کلاس میں پہلی پوزیشن حاصل کرنے والے لڑکے بالا مانی کندن کو زہر دے کر مار دیا۔

پولیس حکام کا کہنا ہے کہ خاتون نے بالا مانی کو کولڈ ڈرنک میں زہر ملا کر پلا دیا جس کے بعد لڑکے کو الٹیاں آنا شروع ہوگئیں۔ لڑکے نے اپنے گھر والوں کو خاتون کی جانب سے کولڈ ڈرنک پلانے سے متعلق آگاہ کیا۔

بالا مانی کو طبیعت خراب ہونے پر اسپتال منتقل کیا گیا تاہم اسے بچایا نہ جاسکا۔ پوسٹ مارٹم رپورٹ میں زہر کی تصدیق کے بعد لڑکی کی والدہ کو گرفتار کرلیا گیا۔ گرفتار خاتون نے بیان میں کہا کہ بالا مانی ہمیشہ پہلی پوزیشن لیتا تھا جبکہ اس کی بیٹی دوسرے نمبر پر رہتی تھی اس لئے حسد میں آ کر اسے زہر دیا۔