حکومت پنجاب نے یکساں قومی نصاب برائے 2022 کا سلیبس جاری کر دیا

پنجاب کے تمام سرکاری و نجی اسکولوں میں تعلیمی کیلنڈر نافذ ہے اور جاری کیے گئے سلیبس میں پرائمری سطح کے تمام مطلوبہ مضامین شامل ہیں۔

حکومت پاکستان کے تحت محکمہ اسکول ایجوکیشن (ایس ای ڈی) نے تعلیمی کیلنڈر برائے 2021-2022 کے لیے یکساں قومی نصاب کا سلیبس جاری کر دیا ہے جس میں طلباء اور اساتذہ کی سہولت کے لیے کورس ورک کو یکساں طور پر تقسیم کیا جاتا ہے۔ اس سے اساتذہ کو مقررہ وقت میں پورا کورس مکمل کرنے میں مدد ملے گی۔ واضح رہے کہ یکساں قومی نصاب اگست 2021 میں پنجاب کے تمام سرکاری و نجی اسکولوں اور مدارس میں لاگو کیا گیا تھا۔

یکساں قومی نصاب کا مقصد شہری اور دیہی علاقوں کے تمام طلباء کو مساوی اور بہتر تعلیم فراہم کرنا ہے۔ یہ ہر طالب علم کے لیے کیریئر کے یکساں مواقع بھی فراہم کرے گا۔ حکومت پاکستان کے جاری کردہ یکساں قومی نصاب کے مطابق پرائمری سطح پر سیشن اگست سے اپریل کے مہینوں میں شروع ہوگا۔

ارلی چائلڈ ہوڈ کیئر اور ایجوکیشن میں شامل مضامین درج ذیل ہیں۔

انگلش۔

اردو۔

ریاضی۔

یہ بنیادی باتوں اور اس کی نظر ثانی اور تشخیص پر مشتمل ہے اس کے سیشن میں دسمبر کا ٹیسٹ سیشن اور موسمِ سرما وقفے کا سیشن شامل ہے۔

یکساں قومی نصاب کے مطابق پرائمری سطح کی کلاس 1 سے 5 کے لیے تعلیمی کیلنڈر اگست سے مئی تک شروع ہوتا ہے۔

یکسں قومی نصاب کے مطابق گریڈ 1 سے 3 کے مضامین میں درج ذیل مضامین شامل ہیں۔

انگلش۔

ریاضی۔

اردو۔

اسلامیات۔

معلوماتِ عامہ۔

گریڈ 4 اور گریڈ 5 کے مضامین یہ ہیں۔

انگلش۔

اردو۔

ریاضی۔

اسلامیات۔

سوشل اسٹڈیز۔

سائنس۔

یہ سیشن مئی میں تمام اسکولوں کے طلباء کے فائنل امتحانات کے ساتھ ختم ہو گا، جس کے بعد اسکولوں میں دو ماہ کی گرمیوں کی چھٹیاں ہوں گی۔ اس سیشن میں دسمبر میں ہونے والی موسم سرما کی تعطیلات بھی شامل ہیں۔