وزیرستان میں تعلیم اولین ترجیح ہے، وزیر اعظم شہباز شریف

جمعرات کے روز وزیر اعظم شہباز شریف نے شمالی وزیرستان کا دورہ کیا اور دعویٰ کیا کہ پاکستان کی مسلح افواج کی کوششوں اور عوام کی حمایت کی بدولت علاقے سے ہر قسم کی دہشت گرد تنظیموں کا خاتمہ کر دیا گیا ہے۔

انہوں نے علاقے میں ایک یونیورسٹی اور ایک میڈیکل کالج کے قیام کا اعلان کیا، ساتھ ہی پنجاب حکومت کے دانش اسکول سسٹم کو عسکریت پسندی سے متاثرہ علاقے تک پھیلانے کے منصوبے کا اعلان بھی کیا۔

شمالی وزیرستان کے دورے کے بعد وزیراعظم نے ٹوئٹ کیا کہ شمالی وزیرستان کے عوام نے دہشت گردوں کے ہاتھوں کافی نقصان اٹھایا ہے۔ اس کے علاوہ، انہوں نے ایک نئی یونیورسٹی، دانش سکول سسٹم، اور ایک میڈیکل کالج بنانے کے ساتھ ساتھ ایک موبائل ہیلتھ سنٹر کی توسیع کا بھی اعلان کیا۔

وزیراعظم کے دفتر سے جاری ٹوئٹ میں کہا گیا کہ وزیر اعظم شہبازشریف نے اپنے دورے کے دوران قبائلی سرداروں سے ملاقات کی اور ان کے مسائل پر تبادلہ خیال کیا۔ ، قبائلی عمائدین نے وزیراعظم کا خیرمقدم کیا اور انہیں علاقے کے پہلے دورے پر مبارکباد دی، جو قبائلی اضلاع کے لیے ان کی دیکھ بھال اور فکرمندی کی نشاندہی کرتا ہے۔

وزیر اعظم نے علاقے میں تعلیم کی ترقی کی امید کی بنیاد پر کیے گئے اپنے دورے کے دوران ایک بریفنگ میں کہا کہ ہم اپنی مسلح افواج کی، جسے مکمل طور پر آبادی کی حمایت حاصل ہے، جرأت مندانہ کوششوں کی بدولت ہر قسم کی دہشت گرد تنظیموں سے لڑنے اور ان کے بنیادی ڈھانچے کو تباہ کرنے میں کامیاب رہے ہیں اور اب علاقے میں تعلیم کے فروغ کے لیے اقدامات کررہے ہیں۔