ایڈ ٹیک اسٹارٹ اپ فریڈم نے اے آئی اسپیچ کے ذریعے انگریزی زبان سیکھنے کو آسان بنادیا

ایڈ ٹیک اسٹارٹ اپ فریڈم نے اے آئی اسپیچ کے ذریعے انگریزی زبان سیکھنے کو آسان بنادیا

گروگرام پر مبنی اس ایڈٹیک اسٹارٹ اپ فریڈم کو 2016 میں کاوش گاڈیا اور نکھل صراف نے سائنس سیکھنے اور پڑھنے میں آٹھ سال کی مسلسل کوشش اور تحقیق کے بعد شروع کیا تھا۔ انہوں نے ایک ایسی ایپ تیار کی ہے جو لوگوں کے لیے انڈرائیڈ اور آئی او ایس پر دستیاب ہے تاکہ وہ اپنا ذاتی طور پر انگریزی زبان سیکھنے کا سفر شروع کر سکیں۔

فریڈم، اپنے صارفین کو کسی بھی ملک میں انگریزی پڑھنا سیکھنے کے قابل بناتا ہے جہاں زیادہ تر لوگوں کی خواہش ہوتی ہے کہ وہ یہ زبان سیکھیں۔ اس میں تین سے بارہ سال کی عمر کے بچوں کے لیے مواد شامل ہے، بشمول کہانیاں، کوئز، لائیو کورس، کہانی سنانے کے سیشنز، خبریں، سرگرمیاں، اور تقریری کھیل وغیرہ جس سے انگریزی زبان سیکھنے میں دلچسپی کا عنصر قائم رہتا ہے۔

جیسے ہی کوئی صارف اس ایپ کو استعمال کرتا ہے، ایپ مسلسل اس کے سیکھنے کی سطح کا جائزہ لیتی ہے اور اپنے صارفین کو مزید بہتری کی طرف لے جاتی ہے اور اس سارے عمل کی نگرانی بھی کی جا سکتی ہے تاکہ صارف کو اپنے سیکھنے کی رفتار کا اندازہ ہوتا رہے۔

نکھل صراف بتاتے ہیں کہ ایپ نے اسپیچ اے آئی کو تیار کرنے میں کئی برس لگائے ہیں اور اب یہ منفرد ایپ کارنیگی میلن اسپیچ کے تعاون سے ان بلٹ ایڈوانس اسپیچ اسسمنٹ کا استعمال کرتے ہوئے نوجوانوں کو ان کی زبان کی روانی کو ٹریک کرنے میں مدد کر سکتی ہے۔

نکھل صراف کے مطابق، فریڈم ایک ڈیٹا سائنس پر مبنی ایڈ ٹیک کمپنی ہے جس کا پیٹنٹ شدہ جدید ترین سفارشی انجن اسٹینفورڈ یونیورسٹی کے تعاون سے تیار کیا گیا ہے جو ایپ کو انتہائی پرسنلائز کرنے کی اجازت دیتا ہے۔

اس ایپ کے منتظمین اس بات پر فخر کا اظہار کرتے ہیں کہ زبان کی روانی کا اندازہ لگانے کے لیے مصنوعی ذہانت پر مبنی آواز کا استعمال کرنے والی یہ پہلی ایپ ہے۔ مائیکروسافٹ کے او ایس کمپیوٹرز کی طرح، ہم انگریزی کو دوسری زبان کے طور پر سکھانے والا دنیا کا ایک بہترین آپریٹنگ سسٹم ہیں۔

جن بچوں کو اعلیٰ سطح کی مصروفیت اور سمت کی ضرورت ہوتی ہے وہ ان اساتذہ کے ذریعے پڑھائے جانے والے ادا شدہ لائیو ورچوئل لیسنز میں رجسٹر ہو سکتے ہیں جو فریڈم سسٹم میں تعلیم حاصل کرچکے ہیں۔

فریڈم کا خیال ہے کہ وہ انگریزی مواد کے معاملے میں یوٹیوب کے ساتھ مقابلہ کرتا ہے، اور ڈیجیٹل لائبریری ایپک کو پڑھنے کے شعبے میں اپنا مقابل سمجھتا ہے۔