پاکستان میں قانون کے طلباء کو نئی مشکلات کا سامنا

پاکستان میں قانون کے طلباء کو نئی مشکلات کا سامنا

پاکستان میں ایک "تسلیم شدہ" بین الاقوامی پروگرام ہونے کے باوجود، پنجاب بار کونسل کے ایک نمائندے کی "پرائیویٹ" طلباء کی جانب سے ایل ایل بی کے بیرونی امتحانات کی تیاری کے لیے درخواست دینے اور قانون پر عمل کرنے کا لائسنس حاصل کرنے سے قاصر ہونے کے حوالے سے ایک تشویشناک پوسٹ پاکستان میں سوشل میڈیا موضوعِ بحث بنی ہوئی جس کے مطابق اس وقت قانون کی تعلیم حاصل کرنے والے تمام طلباء کے لیے ڈگریوں کا حصول خطرات کی زد میں ہے۔ اس کے باوجود، ایسا لگتا ہے کہ یہ پاکستان بار کونسل کے ضوابط کی غلط تشریح کے ساتھ ساتھ بیرون ملک ایل ایل بی ڈگری پروگراموں کی عمومی ناپسندیدگی پر مبنی ہے۔ ایسا طالب علم مقامی تدریسی مرکز کے ساتھ رجسٹرڈ نہیں ہو سکتا اور وہ اپنی ڈگری اور اس کے اسیسمنٹ کی تیاری کے لیے یونیورسٹی کے اصولوں کے اندر رہ کر کام کرسکتا ہے تاہم ایسے اسٹوڈنٹس گھر پر، لائبریری میں یا کسی اور جگہ کا انتخاب کر سکتے ہیں۔

ایک "پرائیویٹ" بیرونی طالب علم وہ ہو گا جو پاکستان بار کونسل سے اجازت کے بعد پاکستان کے اندر آن لائن کورسز کے ذریعے اپنی گریجویٹ ڈگری دے کر پاکستان سے باہر کسی یونیورسٹی میں بطور طالب علم داخلہ لے۔

نہ صرف پاکستان میں بلکہ دنیا بھر میں 190 سے زیادہ دیگر ممالک میں، یونیورسٹی آف لندن کا ایل ایل بی ڈگری کورس ان میں سے ایک ہے جسے سب سے زیادہ پسند کیا جاتا ہے۔

ان کا بنیادی مقصد روایتی پابندیوں اور اس قسم کے نظام میں اندراج سے منسلک رکاوٹوں کے بغیر اعلیٰ معیار کی تعلیم تک رسائی کی حوصلہ افزائی کرنا ہے۔

یہ اس وقت کسی حد تک گراؤنڈ بریکنگ لگ رہا تھا، لیکن وبائی مرض (کورونا) کے بعد ان منصوبوں کو نافذ کرنے میں حاصل ہونے والا وسیع تجربہ ریموٹ، ورچوئل یا ای لرننگ کے ذریعے مساوی اور منصفانہ تعلیم کی واضح ضرورت پر زور دیتا ہے۔

 پاکستان بار کونسل کے لیگل ایجوکیشن رولزبرائے2015 صرف ان کالجوں اور یونیورسٹیوں پر لاگو ہوتے ہیں جو پاکستان میں قانونی تعلیم فراہم کرتے ہیں اور یا ان کے طلباء پرلاگو ہپوتے ہیں۔ یہ قوانین "نجی" طلباء پر لاگو نہیں ہوتے۔

پرائیویٹ طلباء کی حیثیت کے بارے میں، جو بیرون ملک کسی منظور شدہ یونیورسٹی کے ساتھ صحیح طریقے سے رجسٹرڈ ہو سکتے ہیں لیکن انہیں پاکستان میں کسی بھی تدریسی ادارے یا تسلیم شدہ قانون کے اسکولوں میں داخلہ لینے کی اجازت نہیں ہے، مذکورہ بالا گائیڈ لائنز بالکل خاموش ہیں۔

پاکستان میں قانونی تعلیم کے لیے بار بڑھانے کے حوالے سے 2007 میں سپریم کورٹ کے فیصلے کے بعد، پاکستان بار کونسل نے ان قوانین کو اپنانے کی درخواست کی۔ اس کے باوجود، یہ سمجھنا ضروری ہے کہ نہ تو سپریم کورٹ کا فیصلہ ہے اور نہ ہی 2015 کے قواعد "نجی" اسٹوڈنٹس کی صورت حال سے متعلق ہیں اور نہ ہی اس سے نمٹنے کے۔ لہذا، انہیں پریکٹس کے لیے لائسنس کے لیے درخواست دینے سے روکنا غیر منصفانہ ہوگا۔

خواتین کی اکثریت جو کسی پروگرام میں اندراج نہیں کر پاتی، مثال کے طور پر بچے کی پیدائش، گھر پر دیکھ بھال، یا نقل و حرکت کے دیگر مسائل کی وجہ سے، وہ اپنی تعلیم مکمل کرنے کے لیے ان اختیارات کو قابل رسائی اور مددگار پا سکتی ہیں۔

اس کے ساتھ ساتھ ایسے لوگ بھی ہوسکتے ہیں جو مقامی تدریسی ادارے کی اضافی فیس ادا کرنے کے متحمل نہیں ہوسکتے اور آزادانہ طور پر تعلیم حاصل کرنے کو ایک مناسب آپشن کے طو رپر تلاش کرسکتے ہیں۔ یہی بات ان لوگوں کے لیے بھی ہو سکتی ہے جو کام یا ملازمت کرتے ہوئے بھی اپنی تعلیم جاری رکھنے کی کوشش کر رہے ہیں۔ قانونی ماہرین کا کہنا ہے کہ اگر موزوں امیدوار اہل ہیں تو ان کے لیے لائسنس تک رسائی اور وصول کرنے کا نظام ہونا چاہیے۔