ایم ڈی کیٹ ٹیسٹ دینے والے امیدواروں کو گریس مارکس دینے کا فیصلہ

ایم ڈی کیٹ ٹیسٹ دینے والے امیدواروں کو گریس مارکس دینے کا فیصلہ

پاکستان میڈیکل کمیشن (پی ایم سی) نے غلطیوں کی نشاندہی پر ایم ڈی کیٹ ٹیسٹ دینے والے امیدواروں کو گریس مارکس دینے کا فیصلہ کیا ہے۔

پی ایم سی کے صدر نوشاد شیخ نے بتایا کہ پی ایم سی کے اجلاس میں امیدواروں کی شکایت کا جائزہ لیا گیا اور طے کیا گیا کہ غلط سوالات اور آؤٹ آف کورس سوالات پر گریس مارکس دیے جائیں گے، یہ ہدایات تمام ٹیسٹ لینے والی جامعات کے وی سیز تک پہنچادی گئی ہیں۔

انہوں نے کہا کہ ایک ہفتے میں ایم ڈی کیٹ کے مکمل نتائج جاری کردیے جائیں گے۔

اس سے قبل اتوار کے روز13 نومبر کو200,000 سے زائد طلباء نے پاکستان میں ایم ڈی کیٹ کا امتحان دیا، جو متحدہ عرب امارات اور سعودی عرب میں بھی منعقد ہوا۔

ایم ڈی کیٹ کے امتحانات پہلے سے تاخیر کا شکار ہونے کے باوجود، بہت سے میڈیکل طلباء نے کافی ’پریپ ٹائم‘ نہ ہونے کی وجہ سے اپنے خدشات کا اظہار کیا۔ بہر حال، امتحان کامیابی کے ساتھ منعقد ہوا، ایسے طلباء جو امتحان میں توقع کے مطابق اچھی کارکردگی نہیں دکھا سکے وہ اگلے سال دوبارہ امتحان دینے کے قابل ہو جائیں گے، جس کے بعد انہیں بہتر گریڈ الاٹ کیا جائے گا۔

Important Announcement: pic.twitter.com/Wk9CET7Eb0

— Pakistan Medical Commission (@pmc_org) November 15, 2022

منگل، 15 نومبر کو، امتحان کے 2 دن بعد، پاکستان میڈیکل کمیشن کی جانب سے اعلان کیا گیا ہے کہ ایم ڈی کیٹ کے امتحان کے نتائج ایک ہفتے کے اندر اندر جاری کردیئے جائیں گے۔ پی ایم سی نے یہ بھی کہا ہے کہ یونیورسٹیوں میں تجزیہ جاری رہے گا۔

PRESIDENT PMC HOLDS POST EXAMINATION ANALYSIS OF MDCAT:
After receiving a few complaints by MDCAT candidates, President PMC called in a meeting regarding Post Examination Analysis where he instructed the VCs to analyse the papers and compensate accordingly. pic.twitter.com/a86ns23IzJ

— Pakistan Medical Commission (@pmc_org) November 15, 2022

 کسی بھی سوال کے لیے، طلباء کے پاس اپنے متعلقہ صوبے میں اس مخصوص یونیورسٹی سے رابطہ کرنے کا اختیار ہوتا ہے جو ان کا امتحانی مرکز تھا۔

ایک ہفتے میں، پاکستان میں میڈیکل کے طلباء اپنی کارکردگی کے نتائج سے باخبر ہوں گے۔