پشاور سمیت کے پی کے 10 اضلاع میں 11 اپریل تک اسکول بند رہیں گے، شہرام ترکئی

بذریعہ ٹیم سی جی
|
مارچ 25, 2021
|

خیبر پختونخوا حکومت نے اُن دس اضلاع کے ناموں کا اعلان کیا ہے جہاں کورونا وائرس سے متاثرہ کیسز کی بڑھتی ہوئی تعداد کی وجہ سے تعلیمی ادارے 11 اپریل تک بند رہیں گے۔

صوبائی وزیر برائے تعلیم خیبر پختونخوا شہرام خان ترکئی نے ایک ٹویٹ میں اعلان کیا کہ پشاور، مردان، چارسدہ، کوہاٹ، ملاکنڈ، سوات، لوئردیر، نوشہرہ اور بنوں میں بڑھتے ہوئے کورونا کیسز کے باعث لاک ڈائون نافذ کیا جارہا ہے، یہ تمام دس اضلاع 11 اپریل تک بند رہیں گے۔

پشاور سمیت کے پی کے 10 اضلاع میں 11 اپریل تک اسکول بند رہیں گے، شہرام ترکئی

یہ فیصلہ وزرائے تعلیم کے بین الصوبائی اجلاس میں ایسے اضلاع میں تعلیمی اداروں کو بند کرنے کے معاہدے کے تناظر میں لیا گیا ہے جہاں کورونا وائرس کی شرح زیادہ ہے۔