لاہور کے طلبا کے لیے ایک بڑی خوش خبری

بذریعہ ٹیم سی جی
|
اکتوبر 15, 2020
|

حکومت پنجاب نے صحت سہولت پروگرام کا اعلان کردیا۔ لاہور کے ہائر سیکنڈری اسکولوں کے طلبا کو انصاف ہیلتھ کارڈ فراہم کرنے کا فیصلہ۔ ڈسٹرکٹ ایجوکیشن آفیسر نے لاہور کے تمام ہائر سیکنڈری اسکولوں کے سربراہوں کو ایک خط بھیجا ہے ، جس میں ہدایت کی گئی ہے کہ وہ اس مقصد کے لئے طلبہ کے متعلقہ ریکارڈ فراہم کریں۔

اس کارڈ کے ذریعےطلبا کو شہر کے 25 مختلف اسپتالوں میں مفت طبی سہولیات حاصل کرنے کا موقع ملے گا۔ میڈیا رپورٹس کے مطابق ، طلباء کو اپنے والدین کی سی این آئی سی کی کاپیاں اپنے متعلقہ تعلیمی اداروں میں فراہم کرنا ہونگی۔ صحت کی ٹیم متعلقہ اسکولوں کا دورہ کرکے تمام معلومات اکٹھا کرے گی۔

اس خط کی ایک کاپی میڈیا کے ایک آؤٹ لیٹ نے حاصل کی ہے جس میں لکھا ہے:

محکمہ صحت سہولت پروگرام کے تعاون سے آپ کے اسکول کے طلباء کے لئے انساف ہیلتھ کارڈ جاری کرے گا اس کے لئے محکمہ صحت کے ساتھ آپ کا تعاون بہت لازمی ہے۔

مختلف انسٹی ٹیوٹ میں کوویڈ 19 کی حالیہ وباء کے بعد ، اس اقدام میں احتیاطی تدابیر اختیار کرلی گئی ہیں۔ اس کے بارے میں اب تک معلومات واضح نہیں ہے کہ اس سہولت کو پورے صوبے کے لئے کھلا رکھا جائے گا یا صرف ایک شہر کے لئے۔