دارالحکومت اسلام آباد میں او اور اے لیولز کے امتحانات ملتوی

اسلام آباد اور راولپنڈی میں جاری سیاسی کشیدگی اور غیریقینی صورتحال کے باعث برٹش کونسل پاکستان نے دونوں جڑواں شہروں میں تمام کیمبرج اسسمنٹ انٹرنیشنل ایجوکیشن (سی اے آئی ای) کے امتحانات ملتوی کرنے کا فیصلہ کیا ہے۔

برٹش کونسل نے ایک سرکاری بیان میں اعلان کیا کہ بدھ، 25 مئی کو طے شدہ صبح اور دوپہر کے دونوں سیشنز کے لیے تمام لیولز جس میں اے لیولز، اے ایس لیولز، جی سی ای، اور آئی جی سی ایس ای شامل ہیں، کے تمام امتحانات ملتوی کر دیے گئے ہیں۔

ملتوی ہونے والے امتحانات کی تفصیلات درج ذیل ہیں۔

Sr. No.	Subject	Session
1.	IGCSE Business Studies	Morning
2.	O-level Business Studies	Morning
3.	International AS-level Law	Morning
4.	International A-level Psychology	Morning
5.	IGCSE Design and Technology	Evening
6.	International A-level Further Mathematics	Evening

واضح رہے کہ اسلام آباد اور راولپنڈی میں سی اے آئی ای کے امتحانات 26 مئی سے اپنے شیڈول کے مطابق ہوں گے۔ تاہم اگر ٹائم ٹیبل میں مزید کوئی ترمیم ہوتی ہے تو اسکولوں اور امیدواروں کو جلد از جلد مطلع کر دیا جائے گا۔

اس کے برعکس ملک کے دیگر حصوں میں کیمبرج اسسمنٹ انٹرنیشنل ایجوکیشن (سی اے آئی ای) کے امتحانات اپنے شیڈول کے مطابق ہوں گے۔