اسلام آباد کے اسکولوں اور کالجوں میں رمضان المبارک کے اوقات کار کا اعلان

بذریعہ ٹیم سی جی
|
مارچ 31, 2022
|

فیڈرل ڈائریکٹوریٹ آف ایجوکیشن (ایف ڈی ای) نے رمضان المبارک کے دوران اسلام آباد کے دائرہ اختیار میں آنے والے اسکولوں اور کالجوں کے نظرثانی شدہ اوقات کار کا اعلان کیا ہے۔

ڈائریکٹر اکیڈمکس ایف ڈی ای سعدیہ عدنان کی جانب سے جاری کردہ نوٹیفکیشن کے مطابق پیر سے جمعہ تک اسکولوں اور کالجوں میں صبح کی شفٹ 8 بجے شروع ہوگی اور دوپہر 12 بجے ختم ہوگی۔

ڈائریکٹر اکیڈمکس ایف ڈی ای نے تمام ایریا ایجوکیشن آفیسرز اور اداروں کے سربراہوں کو ہدایت کی ہے کہ وہ تعلیمی ہفتہ کے اختتام سے قبل رمضان المبارک کے دوران اسکولوں اور کالجوں کے نظر ثانی شدہ اوقات کے بارے میں طلباء کو آگاہ کریں۔ جہاں تک شام کی شفٹ کا تعلق ہے، اسکول اور کالج پیر سے جمعرات تک دوپہر 12:30 بجے کھلیں گے اورشام کو 4:30 بجے بند ہوں گے۔ جمعہ کو شام کی شفٹ دوپہر 2 بجے شروع ہوگی اور شام 4:30 پر ختم ہوگی۔