کراچی کے سرکاری اسکول میں ڈیجیٹل لائبریری قائم

بذریعہ ٹیم سی جی
|
فروری 25, 2022
|

کمشنر کراچی محمد اقبال میمن نے گزشتہ روز صدر کے علاقے میں واقع سینٹ زیویئر گورنمنٹ لوئر سیکنڈری اسکول میں ڈیجیٹل لائبریری کا افتتاح کیا۔ اس لائبریری کے قیام کے لیے مالی امداد ضلعی انتظامیہ نے فراہم کی تھی۔

اس موقع پر ڈاکٹر ممتاز الامام سوسائٹی کے تحت ممتاز الامام اسکالرشپ کا بھی آغاز کیا گیا جو مستحق اور باصلاحیت طلبہ و طالبات کو دی جائے گی۔

کمشنرکراچی اقبال میمن نے ڈاکٹر ممتاز الامام کو تعلیمی شعبے میں ان کی بے مثال خدمات پر زبردست خراج تحسین پیش کیا۔ انہوں نے کہا کہ میں خوش قسمت ہوں کہ ڈاکٹر امام میرے استاد تھے، انہوں نے ڈاکٹر ممتاز الامام کے پڑھانے کے آسان طریقہ کار اور تدریسی صلاحیتوں سے وابستہ یادوں کے حاضرین کے ساتھ شیئر کیا۔

جسٹس ہیلپ لائن سے تعلق رکھنے والے ندیم شیخ ایڈووکیٹ نے کہا کہ شہر میں 100 سرکاری اسکولوں کے انفرا اسٹرکچر کو بہتر بنانے کا منصوبہ جلد شروع کیا جائے گا۔

انہوں نے مزید کہا کہ ڈی ایم سی پرائمری اسکول صدر کو 11 سال بعد ضلعی انتظامیہ کے جاری کردہ فنڈز سے دوبارہ فعال کیا گیا ہے