امتحانات ہر قیمت پر منعقد ہوں گے، شفقت محمود

امتحانات ہر قیمت پر منعقد ہوں گے، شفقت محمود

وفاقی وزیر تعلیم شفقت محمود نے بدھ کے روز کہا کہ بورڈ کے امتحانات کسی بھی قیمت پر 10 جولائی کے بعد ہوں گے۔

قومی اسمبلی کے بجٹ اجلاس میں اظہار خیال کرتے ہوئے وفاقی وزیر نے اس عزم کو دہرایا کہ امتحانات لینے کا فیصلہ تمام صوبائی وزارتوں، این سی او سی ، اور وزارت صحت کو بورڈ پر رکھتے ہوئے باہمی طور پر کیا جاتا ہے لہٰذا اس فیصلے کو واپس نہیں لیا جاسکتا۔

ہم نے کورس میں ردوبدل کیا ہے اور طلبہ کی سہولت کے لیے  ان کا کہنا تھا کہ  امتحان کی تاریخ موخر کردی ہے۔ انہوں نے زور دیا کہ طلباء صرف اختیاری مضامین کے امتحانات دے رہے ہیں۔

مزید پڑھیئے: سائنس نصابی کتب کے لئے علمائے بورڈ کی منظوری کی ضرورت نہیں ہے

وفاقی وزیر نے طلبہ سے امتحانات کے لیے تعلیم حاصل کرنے کو کہا اور کہا کہ طلباء کی اکثریت امتحانات کی خواہاں ہے اور وہ امتحانات میں کامیابی حاصل کرنے کے لیے تعلیم حاصل کررہی ہے۔

انہوں نے کہا کہ میڈیکل اور انجینئرنگ کالجوں میں داخلے کے بارے میں پائی جانے والی پریشانی کو بھی دور کیا گیا ہے، حکومت طالب علموں کی مدد اور معاونت کرنے کی کوشش کرے گی اور اس بات کو بھی یقینی بنائے گی کہ ان کا تعلیمی سال ضائع نہ ہو۔

انہوں نے کہا کہ حکومت پر تعلیم کے شعبے میں غیر فعال ہونے کا الزام لگایا گیا۔

اس کا جواب دیتے ہوئے وفاقی وزیر نے کہا کہ پچھلی ​​حکومت نے تعلیم کے شعبے پر 4.7 ارب روپے خرچ کیے تھے جبکہ پی ٹی آئی کی حکومت نے اس سال تعلیم کے لیے 28 ارب سے زیادہ کا بجٹ رکھا ہے۔

مزید پڑھیئے: سائنس نصابی کتب کے لئے علمائے بورڈ کی منظوری کی ضرورت نہیں ہے

انہوں نے کہا کہ پچھلی ​حکومت نے تعلیم کے شعبے میں جو خرچ کیا اس کے مقابلے میں موجودہ حکومت نے تعلیم کے لیے مختص بجٹ میں گذشتہ سال کے مقابلے میں      500 فیصد اضافہ کیا گیا ہے۔

انہوں نے مزید کہا کہ وفاقی دارالحکومت میں تعلیم کے لیے 15 ارب مختص کیے گئے تھے جن میں 95 فیصد رقم خرچ ہوچکی ہے۔ مزید یہ کہ ، اگلے سال کے لیے اسلام آباد کے اسکولوں کے لیے 7 ارب روپے مختص کیے گئے ہیں۔

انہوں نے مزید کہا کہ یونیورسٹی کی اعلیٰ تعلیم کے لیے 124 ارب روپے مختص کئے گئے ہیں سابق ​​حکومت نے جو یونیورسٹیوں پر خرچ کیے، یہ اس سے 30 فیصد زیادہ ہیں۔

مزید پڑھیئے: لاہور بورڈ نے انٹر کے امتحانات کی تاریخ پانچویں بار بدل دی

ان کا کہنا تھا کہ ہائر ایجوکیشن کمیشن کی گرانٹ کو بھی 64 ارب سے بڑھا کر81 ارب کردیا گیا ہے۔

انہوں نے یہ بھی کہا کہ ماضی کے مقابلے میں اعلیٰ تعلیمی اداروں میں طلباء کے داخلوں کے تناسب میں 45 فیصد اضافہ ہوا ہے جس میں سے 32 فیصد کو مالی اعانت دی جاتی ہے۔ ان کا کہنا تھا کہ ملک میں پی ایچ ڈی اساتذہ میں 70 فیصد اضافہ ہوا ہے جبکہ بیرون ملک اسکالرشپ میں بھی 40 فیصد اضافہ ہوا ہے