کینسل ایگزامز کے بعد پاکستان میں اساتذہ کے تشخیص کردہ گریڈز کا مطالبہ ٹاپ ٹرینڈ

کینسل ایگزامز کے بعد پاکستان میں اساتذہ کے تشخیص کردہ گریڈز کا مطالبہ ٹاپ ٹرینڈ

وفاقی وزیر تعلیم نے اعلان کیا کہ جون تک ملک بھر میں ہونے والے تمام امتحانات منسوخ کردیئے گئے ہیں۔ جس کے بعد ناخوش طلباء نے ٹوئٹر پر ایک اور ٹرینڈ کا آغاز کیا کہ وہ جون کے بعد امتحانات دینے کے بجائے اساتذہ کے تشخیص کردہ گریڈز چاہتے ہیں۔

اس وقت پاکستان میں ہیش ٹیگ شفقت ڈیسٹرائیز آور کیریئر ٹاپ پر ٹرینڈ کررہا ہے۔

مائیکرو بلاگنگ ویب سائٹ پر سرگرم کیمبرج کے طلباء نے وفاقی وزیر سے درخواست کی کہ اسکول کی جانب سے جائزہ اور تشخیص پر مشتمل گریڈز دیئے جائیں۔ ٹوئٹر پر سرگرم ایک صارف  عاصمہ جہانگیر نے سوال کیا کہ پاکستانی طلباء کو ایس اے جیز کا آپشن کیوں نہیں مل رہا ہے؟

انہوں نے کیمبرج انٹرنیشنل سے درخواست کی کہ وہ طلباء کے قیمتی تعلیمی سال کو ضائع  ہونے سے بچائیں۔

وکیل اور انسانی حقوق کے کارکن جبران ناصر اسکول کے تخمینے والے گریڈز کی حمایت کے لیے ثبوت اکٹھا کرنے کی دستاویز کو شیئر کرتے ہوئے کہتے ہیں کہ کوئی بھی وزیر یہ عذر پیش کرتا ہے کہ اسکول کے اندازے کے مطابق گریڈز کو ترجیح نہیں دی جاتی ہے کیونکہ پچھلے سال پیش گوئی کردہ گریڈز کی وجہ سے تنازع پیدا ہوا تھا۔

پاکستان میں اس وقت ہیش ٹیگ اسکول اسیسڈ گریڈز اور ہیش ٹیگ کیمبرج بھی ٹاپ پر ٹرینڈ کررہا ہے۔

بیرسٹر اور انسانی حقوق کے وکیل حسن نیازی نے طلبا کے مطالبات کی حمایت کرتے ہوئے اساتذہ کی تشخیص شدہ گریڈز کی ضرورت پر زور دیا۔ انہوں نے کہا کہ اساتذہ کی جانب سے گریڈز کا پیش کیا جانا ضروری ہے۔

انہوں نے واضح کیا کہ کیمبرج کے طلباء اساتذہ کا تشخیص کردہ گریڈ چاہتے ہیں جبکہ مقامی بورڈ کے طلبہ پروموشن فارمولے کے ساتھ امتحانات کو منسوخ کرنے کا مطالبہ کررہے ہیں۔

دوسری جانب پاکستان میں کورونا وائرس کے 5،292 نئے کیسز رپورٹ ہوئے ہیں، 201 اموات، اس وباء کے پھیلنے کے بعد سب سے زیادہ ہیں۔ 24 گھنٹوں کے دوران 5،292 نئے کورونا وائرس کیسز رپورٹ ہوئے ہیں، جس سے ملک میں کووڈ کے مریضوں کی تعداد 810،231 ہوگئی ہے۔

مزید 210 افراد کے اس مہلک بیماری کا شکار ہونے کے بعد ملک میں ہلاکتوں کی تعداد 17،530 ہوگئی۔

جبکہ ہلاکت خیز بیماری سے بازیاب ہونے والے مریضوں کی کل تعداد 704،494 ہے۔

این سی او سی کے مطابق ملک بھر میں کوویڈ کے فعال کیسز 88،207 بتائے گئے ہیں۔