بھارتی دارالحکومت نئی دلی میں فضائی آلودگی کے باعث پرائمری اسکول بند

بذریعہ ٹیم سی جی
|
نومبر 04, 2022
|

بھارتی دارالحکومت نئی دلی میں فضائی آلودگی کے باعث پرائمری اسکول بند

بھارتی دارالحکومت نئی دلی میں شدید فضائی آلودگی کے باعث پرائمری اسکولز بند کردئیے گئے۔

دلی کے وزیراعلیٰ اروند کیجری وال نے پریس کانفرنس میں کہا کہ دارالحکومت میں فضائی آلودگی خطرناک حد تک پہنچنے کے بعد کل سے پرائمری اسکولز بند رکھنے کا فیصلہ کیا ہے۔

انہوں نے مزید کہا کہ فضائی آلودگی میں کمی ہونے تک پرائمری اسکولز بند رکھے جائیں گے۔ یہ فیصلہ بچوں کو مضر صحت فضا میں سانس لینے سے بچانے کے لیے کیا گیا ہے۔

بھارتی پنجاب میں فصلوں کی باقیات کو جلانے کے باعث دلی اور دیگرعلاقوں میں فضائی آلودگی میں شدید اضافہ ہونے پر اروند کیجریوال کو تنقید کا سامنا ہے۔ بھارتی پنجاب میں بھی اروند کیجریوال کی عام آدمی پارٹی کی حکومت ہے۔