بلوچستان حکومت کا 15 دسمبر سے اسکول بند رکھنے کا اعلان

بذریعہ ٹیم سی جی
|
دسمبر 03, 2021
|

بلوچستان حکومت کا 15 دسمبر سے اسکول بند رکھنے کا اعلان

بلوچستان انتظامیہ نے جمعرات کے روز اعلان کیا کہ صوبے کے تمام اسکول 15 دسمبر سے بند رہیں گے۔ اس حوالے سے وزارت تعلیم بلوچستان نے ایک بیان بھی جاری کیا ہے۔

حکومت کے جاری کردہ ایک نوٹیفکیشن کے مطابق، صوبائی حکومت نے اعلان کیا ہے کہ صوبے کے سرد علاقوں میں اسکول 15 دسمبر سے بند رہیں گے جبکہ یکم مارچ 2022 کو اسکول دوبارہ کھلیں گے۔

مزید ُرھئیے: کراچی انٹر بورڈ کا ناقص کارکردگی دکھانے والے طلباء کے لیے خصوصی امتحانات کا اعلان

اس ماہ کے شروع میں، پنجاب حکومت نے سموگ کو کم کرنے کی کوشش میں27 نومبر سے شروع ہونے والے تمام سرکاری اور نجی اسکولوں کو ہفتے میں تین دن کے لیے بند رکھنے کا فیصلہ کیا تھا۔

حکومت نے اپنے فیصلے کا اعلان خطرناک سموگ کے مسئلے کے درمیان کیا تاکہ سڑکوں پر ٹریفک کی تعداد کو کم کیا جا سکے، جو آلودگی کا باعث بنتی ہے اور حادثات کا خطرہ بھی بڑھتا ہے۔ خط میں کہا گیا ہے کہ 15 نومبر سے 27 جنوری تک ہفتہ، اتوار اور پیر کو تمام سرکاری اور نجی اسکولوں کے ساتھ ساتھ تمام نجی دفاتر بھی بند رہیں گے۔