سینٹر آف ایکسیلینس ان آرٹس اینڈ ڈیزائن

فیڈرل کالج آف آرٹ اینڈ ڈیزائن ( ایف سی اے ڈی) کو حکومت پاکستان کی وزارت برائے تعلیم نے 1990 اور 91 کے درمیان قائم کیا۔ اس ادارے کے قیام کے پیچھے صوبہ سندھ کے عوام کا ایک دیرینہ مطالبہ تھا کہ صوبے میں آرٹ، ڈیزائننگ اور آرکیٹیکچر کی پروفیشنل تعلیم کے لیے مختص کوئی ادارہ ہونا چاہیے۔ ایف سی اے ڈی کی عمارت کی تعمیر کا آغاز جامشورو میں ہوا۔ یہاں سے نیچے کی طرف دیکھں تو دریائے سندھ آپ کو ماضی کی یاد دلاتا ہے۔ اس منصوبے کو ابتدائی طور پر ایک وابستہ کالج کی حیثیت سے یونیورسٹی آف سندھ کے حوالے کیا گیا تھا۔ یہاں اسٹوڈنٹس کی پہلی کھیپ نے 1999 میں داخلہ لیا۔