اس سینٹر کو یو ایس پی سی اے ایس ای (یو ایس پاکستان سینٹر فار ایڈوانس اسٹڈیز ان انرجی) کے نام سے بھی جانا جاتا ہے۔  

سینٹر فار انرجی سسٹم کو سن 2011 میں ملک میں توانائی کے بحران کے وقت قومی معیشت میں کردار ادا کرنے کے خیال سے متعلقہ سرگرمیوں اور منصوبوں کو مستحکم کرنے اور توانائی کے شعبے کے پروگراموں کو فروغ دینے کی غرض سےشروع کیا گیا تھا۔

اس ادارے کا بنیادی مقصد مضر ماحولیاتی اثرات کو کم کرنے کے لیے توانائی کے شعبے میں قابل تجدید ذرائع کے زیادہ حصے کے ساتھ سستے نرخوں پر توانائی کی پائیدار فراہمی کو ممکن بنانا ہے۔

اس ادارے میں توانائی کے مختلف شعبہ جات میں تحقیقی سرگرمیوں کے لیے مطلوبہ آلات سے مزین شاندار لیبارٹری موجود ہے جہاں توانائی کو محفوظ کرنے، توانائی کے تبادلے، حیاتیاتی ایندھن، تھرمل انرجی، بائیو فیولز، اعلیٰ درجے کی توانائی کے سامان، شمسی توانائی، اسمارٹ گرڈ اور بجلی کی فراہمی کے نظام سمیت متعدد شعبہ جات میں تحقیقی عمل کو فروغ دیا جاتا ہے۔