پنجاب یونیورسٹی کا اپنے طلباء کو فیس میں رعایت دینے کا اعلان

یونیورسٹی انتظامیہ کے مطابق کورونا وائرس کے باعث لاک ڈائون نافذ کردیا گیا اور تمام تعلیمی ادارے تقریباً چھ ماہ تک بند رہے جس سے طلبا کی پڑھائی کا حرج ہوا۔ اب ستمبر میں تعلیمی ادارے دوبارہ کھل گئے ہیں اور تعلیمی سرگرمیاں بحال ہوگئی ہیں۔

پنجاب یونیورسٹی نے طلبہ کے تعلیمی نقصان کو کم کرنے کے لیے طلبہ کے لیے آن لائن کلاسز کا انتظام کیا تاکہ وہ اپنے تعلیمی سال کو بچا سکیں۔

یونیورسٹی نے اب طلباء کو فیس کی مد میں مراعات دینے پر اتفاق کیا ہے کیونکہ انہوں نے روزانہ کی کلاسز مکمل نہیں کی ہیں۔ یونیورسٹی انتظامیہ نے طلبا کو ہدایت کی ہے کہ کسی بھی سمسٹر سے آن لائن تعلیم حاصل کرنے والے طلباء اپنی پوری فیس کا صرف ںصف ادا کریں اور یہ رقم بھی معمول کے دنوں کی طرح ادا کی جائے۔

یونویرسٹی انتظامیہ کا کہنا ہے کہ پچھلے سمسٹر میں اپنی پوری فیس ادا کرنے والے طلباء کو اگلے سمسٹر میں اضافی طور پر ادا کی گئی پچاس فیصد فیس کو فیس چالان میں تبدیل کردیا جائے گا۔ بتایا گیا ہے کہ پنجاب یونیورسٹی کے اسٹوڈنٹس کو ریلیف دینے کے لیے تقریباً سال بھر سے اس اشو پر غور کیا جارہا تھا۔ کورونا وائرس کی وبائی صورتحال کے باعث اگرچہ تعلیمی سرگرمیاں بڑے پیمانے پر متاثر ہوئی ہیں تاہم پنجاب یونیورسٹی کے حکام نے مجوزہ ٹائم ٹیبل کے مطابق مرحلہ وار کلاسز دوبارہ شروع کردی ہیں۔

پنجاب یونیورسٹی کا اپنے طلباء کو فیس میں رعایت دینے کا اعلان