فاطمہ جناح ویمن یونیورسٹی

خواتین کو اعلیٰ تعلیم کی فراہمی کی غرض سے قائم کی گئی فاطمہ جناح ویمن یونیورسٹی میں مختلف شعبہ جات میں تعلیم و تحقیق کی بہترین سہولیات دستیاب ہیں۔ یہ ایک پبلک یونیورسٹی ہے جو کہ پاکستانی پنجاب کے شہر راولپنڈی میں مال روڈ پر واقع ہے۔ فاطمہ جناح ویمن یونیورسٹی کو پاکستان میں خواتین کی اعلیٰ تعلیم کے لیے سرگرم اولین یونیورسٹی ہونے کا اعزاز بھی حاصل ہے۔ ہائیر ایجوکیشن کمیشن آف پاکستان کی جانب سے اس یونیورسٹی کو جنرل کیٹیگری میں 18 ویں نمبر پر رکھا گیا ہے۔