بولان یونیورسٹی آف میڈیکل اینڈ ہیلتھ سائنسز، کوئٹہ

پاکستان کے صوبہ بلوچستان کے دارالحکومت کوئٹہ میں واقع بولان یونیورسٹی آف میڈیکل اینڈ ہیلتھ سائنسزایک میڈیکل یونی ورسٹی ہے۔ یہاں سےایم بی بی ایس مکمل کر کے نکلنے والے اسٹوڈنٹس کے 33 بیچز ملک کے مختلف علاقوں میں اپنی خدمات فراہم کر رہے ہیں۔ اس نامور ادارے سے اب تک 5683 اسٹوڈنٹس اپنی شعبہ طب کی تعلیم مکمل کرچکے ہیں جبکہ چونتیسواں بیچ ایم بی بی ایس ڈگری پروگرام میں تعلیم حاصل کررہا ہے۔ یہاں بی ڈی ایس کی کلاسز کا آغاز 1985 میں ہوا اور باقاعدگی سے دانتوں کے علاج کی تعلیم و تربیت فراہم کررہا ہے۔ اب تک یہاں سے 285 بی ڈی ایس ڈاکٹرز تعلیم مکمل کرکے ملک کے مختلف علاقوں میں مریضوں کو اپنی خدمات فراہم کر رہے ہیں۔ دانتوں کے ڈاکٹرز کا 17واں بیچ اس وقت یہاں تعلیم حاصل کررہا ہے جو عنقریب ڈگریاں لے کر مستند ڈاکٹرز کی حیثیت سے عوام کو اپنی خدمات پیش کرے گا۔ میڈیکل ایجوکیشن کو مزید بامعنی بنانے کے لیے پچھلے سال یہاں کمیونٹی اورینئٹل میڈیکل ایجوکیشن کا پروگرام شروع کیا گیا۔ یہاں کمپیوٹر لٹریسی کلاسز کا بھی بہت جلد آغاز کردیا جائے گا۔ جدید دور کے چیلنجز سے نمٹنے کے لیے یہاں واقع میڈیکل ایجوکیشن ڈیپارٹمنٹ میں ایک ریسورس سینٹر بنایا جائے گا جبکہ تمام سہولیات سے مزین ایک لیبارٹری اور لائبریری بھی قائم کی جائے گی۔