الحمد اسلامک یونیورسٹی

الحمد اسلامک یونیورسٹی کو الحمد ایجوکیشن سسٹم کے تحت 1995 میں قائم کیا گیا۔ اس یونیورسٹی کے قیام کا مقصد تعلیم کے شعبے میں سرگرم تمام سیکٹرز کو ترقی دینا تھا۔ الحمد ایجوکیشن سسٹم کے زیرِ انتظام کئی تعلیمی ادارے، انسٹیٹیوٹس اور ریسرچ اینڈ ڈیولپمنٹ آرگنائزیشنز کام کررہی ہیں۔ ان میں بلوچستان انسٹیٹیوٹ آف ٹیکنالوجی، بی آئی ٹی گرلز کالج، دارِ ارقم اسکول آف اسلام اینڈ ماڈرن سائنسز، دارِ ارقم گرلز کالج اور قرآن ریسرچ اکیڈمی شامل ہیں۔ 2005 میں ایک ایکٹ کے تحت اس ادارے کا انتظام و انصرام بلوچستان حکومت کے سپرد کردیا گیا۔ الحمد اسلامک یونیورسٹی ڈگری جاری کرنے والا ایک قابلِ اعتماد تعلیمی ادارہ ہے۔ یہاں اسلام، سائنس، ٹیکنالوجی، تعلیم، قانون، فنون لطیفہ اور انجینئرنگ کے شعبوں میں تعلیم حاصل کرنے والے طلبا و طالبات کو ڈگری تفویض کی جاتی ہے۔